Likunula 17:6 - KITABU KITAKATIFU

⁶ Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 17:6 ပူးပေါင်းရင်းမြစ်များ

Danyeli 7:21

Nda lola, na ulwiga zana lwa kola lihe ku vatakatifu, nokuvaguuta;

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Habakuk 1:13

Ive u veye netsimoni tsindahi, tsi ta nyala kulola ubudamano, na u ta nyala kulola ubukyamu, kigira ki u henzanga yavo ava kolanga ubu gadi, na ive u kiring'ananga inyinga mudamano a miranga mundu wobulungi bu vita bwo mwene uyu;

Yohana 2:10

na a mu volera, Avandu vosi va tanga kuleta iwaini indahi; navutswa lwa va nweye inyingi va leta indamano: navutswa ive u tangi kuvisa iwaini indahi kuduka kalunu.

Vikolwa 22:20

kandi amasahi ga Stefano mulolekidzi wowo, lwa ga sundulwa, inze nda singira navo, ni mbugirira, ni ninda tsingubo tsya yavo ava mwiita.

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Likunula 13:15

Kandi ya hebwa tsingulu kugiha mwika, kali kifwananyi kye nyama, kifwananyi kyenyama ki molome, nokukola vosi ava vula kusigamira kifwananyi zana v iitwe.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.