Likunula 17:12 - KITABU KITAKATIFU

¹² Kandi tsinziga likumi tsya wa lola tsi veye avami likumi, ava kikiri kunyola ubwami, navutswa va hebwangwa tsingulu kuli avami halala noyu inyama, inyinga yesaa indala.

Likunula 17:12 ပူးပေါင်းရင်းမြစ်များ

Danyeli 7:20

na ku tsinziga likumi tsya li ku mutwe gwayo, na ulwiga lundi lwa mera, lwetsindi tsivaka tsya guulwa imbiri walwo, ulwiga zana yilwo lwa li netsimoni, nomunwa gwa vola vindu vinene, lweliloleka lyalwo lya li linene kuvita tsindi.

Danyeli 7:24

Na ku makuva getsinziga likumi, mu bwami yibu avami likumi va la twula kusingira kandi inyima wavo wundi a la twuia kusi ngira; naye a la va lugano lundi ku vembiri, na a la twulidza avami va vaka.

Likunula 10:11

Kandi va mbolera, Ga ku dukira kuprofeta kandi ku vandu vanyingi, noku tsihiri tsinyingi, noku tsinimi tsinyingi, noku avami vanyingi.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 17:16

Kandi tsinziga likumi tsya wa lola, kandi uyu inyama, yava va la dunyira wamalaya, kandi va la mu dalidza, nokumukola mwere, kandi va la lia inyama yomubiri gwigwe, kandi va la mu samba ligali nomuliru.

Likunula 18:10

va singiye ihale kigira ubutii bwobu saliri bwalyo, ni va vola, O bayaye bayaye, lidahl linene, Babuloni, lidala lyetsingulu kigira ku isaa indala likalagirwa lilyo li duki.

Likunula 18:17

kigira ku isaa indala ubutugi ubunene ndi bu koleywi hatswa. Kandi avanene vosi vobwato kandi vosi avelemanga nobwato hosi, navamadzi, navosi ava nyola vindu vyavo ku inyanza va singira ihale,

Likunula 18:19

Kandi va vika uluguki ku mitwe gyavo, ni va hanzuka ni va lira nokusyoma, ni va vola, O bayaye, bayaye, lidala linene, mulyo vosi ava li nobwato bwavo ku inyanza, va kolwa avatugi kigira ubulahi bwalyo kigira ku isaa indala li koleywi hatswa.