Likunula 16:9 - KITABU KITAKATIFU

⁹ Kandi avandu va sambwa noluhya lunene: kandi va nyega lieta lya Nyasaye u veye netsingulu tsyamaduya yaga; kandi si veganira kumuha lidzominya.

Likunula 16:9 ပူးပေါင်းရင်းမြစ်များ

2 Avami 6:33

Na lwa a veye mu livolerana navo, henza, mutumwa yadza kuvo: na a vola, Ubudamano yibu nobwa Yahova; kigira ki inze ni.

2 Kyetsinyinga 28:22

Nomu lidambidzwa lilye ya kira kuhyola imbiri wa Yahova, uyu mwami zana Ahazu.

Isaya 1:5

Kigira ki mu kyenyanga likuywa kandi, kuduka kumeda bwebaali? Mutwe gwosi gu lwala, nomwoyo gwosi gu kudzi.

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Jeremia 13:6

Na ga duka inyima wa madiku manyingi, Yahova ya mbolera, Singira, u tsie ku mugera gwa Farati, u vugule yo musipi, gwa nda ku volera u gu vise yo.

Jeremia 5:3

O Yahova, tsimoni tsitsyo si tsi henzanga ageligali? U va kuyi, navutswa si va vereranga mba; u va heridzi, navutswa va suye lihebwa mageli va kolanga mmoni mwavo kuva mudinyu kuvita lwanda; va suye kwirana kandi.

Ezekieli 24:13

Mu budamano bubwo mu veye netsiganagani tsindamano: kigira nda kwogidza na ive si wa lava mba, u la vula kulava ku budamano bubwo ligali, nduhe nduke kwigutidza ubutima bwange ku ive.

Luka 13:3

Inze mmu volera, Si ga li ndiyo: navutswa ni mu teganira, mwinye vosi mu la kudza ndiyo.

Luka 13:5

Inze mmu volera, Si ga li ndiyo: navutswa ni mu teganira, mwinye vosi mu la kudza ndiyo.

2 Vakorintho 12:21

gase lwa nzidza kandi Nyasaye wange a la ngehidza imbiri wenyu, kandi inze nda vererera avanyingi ava tanga kukola ubwoni ava vula kweganira ubudamano nokutsia mbakana, nobuheyi bwa va kola.

Joshua 7:19

Na Joshua ya teva Akan, Mwana wange, mwadza, u kuminye Yahova, Nyasaye wa Israeli, weyame kuye; na u volere inze ga wa kola; u ta ga vise ku inze.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 14:7

kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 16:21

Kandi imbula inene yamagina, amagina selilala lya leng'ana netalanta, ya twula migulu ni yika ku vandu: kandi avandu va nyega Nyasaye kigira liduya lyembula yamagina; kigira liduya lyayo li veye linene ligali.

Likunula 2:21

Kandi nda mu ha inyinga a duke kweganira; naye si yenya kweganira nokuleka litsia mbakana.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda: