Likunula 16:6 - KITABU KITAKATIFU

⁶ kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 16:6 ပူးပေါင်းရင်းမြစ်များ

2 Avami 24:4

kandi kigira masahi ga ta li nekindu ga ya tahidza; kigira yizulitsa Yeru salemi namasahi ga ta li nekindu: na Yahova si ya bugirira kusameha mba.

Kutwula 21:24

imoni u vanze imoni, lino u vanze lino, mukono u vanze mukono, kirenge u vanze kirenge,

Kutwula 7:17

Yahova a volanga, Ku inkuva yiyi u la manya mbeye Yahova: henza, nda kuya amadzi aga veye mu mugera yimu nempimbo ya mbeye nayo mu mukono gwange, nago ga la girunkannywa, na ga la gwa masahi.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Jeremia 2:30

Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

Jeremia 26:11

Hene yaho avasalisi navaprofeti va volera avanene navandu vosi, ni va vola, mundu uyu u dukani nelikudza; kigira ya profeta ku lidala yili, kuli mwa hulira namatu genyu.

Jeremia 26:16

Hene yaho avanene navandu vosi va volera avasalisi navaprofeti: na va vola, Mundu uyu si a dukani neliitwa mba; kigira a voleye kwinye mu lieta lya Yahova Nyasaye wetu.

Lisyoma lya Jeremia 4:13

Ga reye kigira ubwoni bwa vaprofeti veve, na budamano bwa vasalisi veve. Ava tahidza masahi ga valungi hagati hehe.

Ezekieli 32:6

Kandi kivala kya u kindidzanga mu, nda ki nwehidza masahi gogo kuduka ku vigulu; nemigerera gyi lizulwa nive.

Matayo 7:2

Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku.

Luka 12:48

Navutswa uyu wa vula kumanya na a kola vindu vi dukani nobukinduki, a la kuywa hakekeke. Ku vosi u hebwa vinyingi a la tevwa vinyingi: naye u hebwa vinyingi, va la mu teva vinyingi kuvita.

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 13:10

Ku vosi mundu na a va na a veye mu lilanya, a la lanywa, ku vosi mundu na a va ni yiita nekivavi, a liitwa nekivavi. Yaho niho ha veye ubwikudziri nelisuuvira lyavatakatifu.

Likunula 13:15

Kandi ya hebwa tsingulu kugiha mwika, kali kifwananyi kye nyama, kifwananyi kyenyama ki molome, nokukola vosi ava vula kusigamira kifwananyi zana v iitwe.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 18:24

Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.