Likunula 16:4 - KITABU KITAKATIFU

⁴ Kandi wa kavaka yagulula kituva kikye ku migera noku visenukiru vyamadzi; navyo vya gwa masahi.

Likunula 16:4 ပူးပေါင်းရင်းမြစ်များ

Zaburi 78:44

Na girunkannya migera gyavo kuva masahi Kandi amadzi gagyo kuduka avene si va nyala kunwa mba.

Kutwula 8:5

Na Yahova ya volera Musa, U volere Haruni, Nyira mukono gugwo nempimbo yoyo ku migera, noku visenukiru vya amadzi, noku madavalia, u senukidze makere ku kivala kya Egepeti.

Isaya 50:2

Kunangwa, ni kindu ki, lwa ndadza mundu si ya li ho? Lwa nda langa, mundu si ya li ho wa ntivulira? Mukono gwange gu gehidzwi, gu ta nyala kandi kutungira? Naho inze si mbeye netsingulu tsyokuhonnya? Henza, ku ligondoka lyange nkaminya inyanza, nkola migera gyamadzi kuva kyangalangwi: tsisudzi tsyagyo tsi funya, kigira si ha veye namadzi, nokukudza kigira ubuluhu.

Ezekieli 35:8

Na ndizulitsa vigulu vyakyo aviitwa: mu tugulu tutwo nomu mavona gogo nomu migerera gyigyo gyamadzi gyosi, va la gwa yavo aviitwa nekivavi.

Hosea 13:15

Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi.

Likunula 11:6

Yava va veye netsingulu tsyokuboha ligulu, imbula i vule kukupa mu madiku gobuprofeti bwavo: kandi va veye netsingulu ku madzi kugagirunkannya ga gwe masahi, nokuduya lirova neliduya lyosi tsinyinga tsyosi tsya va yanza.

Likunula 14:7

kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 16:5

Kandi nda hulira inge losi wamadzi, na a vola, Ive u veye Mulungi, u veye ho nowa li ho, ive Mutakatifu, kigira wa kalaga ndiyo: