Likunula 16:21 - KITABU KITAKATIFU

²¹ Kandi imbula inene yamagina, amagina selilala lya leng'ana netalanta, ya twula migulu ni yika ku vandu: kandi avandu va nyega Nyasaye kigira liduya lyembula yamagina; kigira liduya lyayo li veye linene ligali.

Likunula 16:21 ပူးပေါင်းရင်းမြစ်များ

Ayubu 38:22

Ive wingiye ha butugi bwelikonza, Kinga u loli ubutugi bwembula yamagina,

Ayubu 38:23

Ya nda vika akiba ku inyinga yekivi Ku lidiku lyokulwana nobulwani?

Kutwula 9:18

Henza, mugamba himbi inyinga yiyi, nda kupidza imbula yamagina madamano, yolugano lu kikiri kuva ho mu Egepeti kutwula ku lidiku lya kya loleka kuduka lero.

Kutwula 9:22

Na Yahova ya volera Musa, Nyira mukono gugwo ku henzidza igulu, i duke kuva imbula ya magina mu kivala kyosi kya Egepeti, ku mundu, noku mitugu, noku vindu vyosi vyomu mulimi, mu kivala kyosi kya Egepeti.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Ezekieli 13:11

u volere yavo ava buulanga ubu dohi bwa vula kuduvulwa bulahi, lidigi yilyo li la gwa: ha la va nembula yizulanga amadzi; na mwinye, O magina manene gembula, mu la gwa; na kihi ki la li tandula.

Ezekieli 13:13

Kigira yaga Mwami Nyasaye a vola: Inze nda li tandula nekihi mu ubutima bwange: kandi ha la va nembula yizulanga amadzi namagina manene gembula mu livihirirwa kulidividza ligali.

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:11

kandi va nyega Nyasaye womigulu kigira ubusaliri bwavo kandi kigira lwangaala lwavo; kandi si veganira ku miyinzi gyavo.

Likunula 16:9

Kandi avandu va sambwa noluhya lunene: kandi va nyega lieta lya Nyasaye u veye netsingulu tsyamaduya yaga; kandi si veganira kumuha lidzominya.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.