Likunula 16:14 - KITABU KITAKATIFU

¹⁴ kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 16:14 ပူးပေါင်းရင်းမြစ်များ

1 Avami 22:6

Hene yaho mwami wa Israeli ya vungidza halala avaprofeti, kuli avandu tsimia tsine, na ya va teva, Ntsie kulwana Ramothugileadi, naho mbule ku tsia? Navo va mu volera, Yanegira, kigira Mwami a la li vika mmakono gomwami.

Ezekieli 14:9

Kandi ni i va muprofeti uyu ya gadwa nokuvola likuva ku gosi Ninze, Yahova, wa gada muprofeti uyu, na nda nyira mukono gwange kuye, nokumudividza a twula hagati ha vandu vange Israeli.

Matayo 24:14

Kandi amakuva malahi yaga gobwami ga lilwadzwa mu lirova lyosi ga ve kilolekidzu ku tsihiri tsyosi; ma kiheri ki la duka.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Marko 13:22

kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika.

Luka 2:1

Mu madiku yago munwa gwa twula ku Kaisari Augusto kung'oda ameta gavandu mu vivala vyosi.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Varumi 1:8

Ntanga kusantidzira Nyasaye wange ku Yesu Kristo kigira mwinye mwosi, kigira lisuuvira lyenyu li lwadzangwa mu lirova lyosi.

2 Vatesalonike 2:9

mulialu uyu welidza lilye li veye kuli ikola lya Setani mu tsingulu tsyosi, nevilolekidzu nevyokugennya vyobubehi,

1 Timoteo 4:1

Navutswa Roho a vola habulavu, mu tsinyinga tsyekiheri avalala va la girunkana nokuleka lisuuvira, nokuhuliridza roho gyi gadanga nemegidzo gamademone,

Yakobo 3:15

Ubugeeri yibu si bu veye bu twulanga igulu, navutswa nobwa hasi, nobwomwoyo gwomundu, nobwa mademone.

Joshua 11:5

Avami yavo vosi va vugana halala: na va duka kusingeridza amahema gavo ha amadzi ga Merom, kulwana na Israeli.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:3

Kandi nda lola mutwe gwayo mulala gu duyeywi kuduka likudza; neliduywa lyayo zana kuduka likudza lya honnywa; kandi avomulirova vosi va genyera inyima wenyama zana;

Likunula 16:16

Kandi ga va vugannya halala ha hangwa mu lulimi lwa Vahebraina Hari-Magedon.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.

Likunula 3:10

Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.

Likunula 6:17

kigira li duki lidiku linene lyobutima bwavo; kandi ibwaha a nyala kusingira?