Likunula 15:8 - KITABU KITAKATIFU

⁸ Kandi litempeli lizula mwoki gwa twula ku bukumi bwa Nyasaye, noku tsingulu tsitsye; kandi si ha li nomundu wa nyala kwingira mu litempeli, ki luhe ki duke kiheri kyamaduya gatano na gaviri getsingelosi vatano na vaviri.

Likunula 15:8 ပူးပေါင်းရင်းမြစ်များ

Zaburi 29:9

Mwoyo gwa Yahova gwivulidzanga imboongo, Na gu halulanga militu: Na mu litempeli lilye vyosi vi volanga, Ubukumi kuye.

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Isaya 6:4

Na mise gyemilia ngo gya degera kigira mwoyo gwa uyu wa vola, na inyumba yizula mwoki.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Lisyoma lya Jeremia 3:44

Wekuniki nelilesi, lisaala lyetu li vule kuvita.

Kyavalevi 16:2

na Yahova ya volera Musa, U volere Haruni amwavo vovo, atingira tsinyinga tsyosi mu hatakatifu, mu ingubo yokukinga, imbiri wentebe yetsimbabasi i veye ku lisanduku; vule kukudza: kigira nda loleka mu lilesi ku intebe yetsimbabasi.

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,

Likunula 15:1

Kandi nda lola kilolekidzu kindi migulu, kinene nekyokugennya, tsingelosi vatano na vaviri ava li namaduya gatano na gaviri gekiheri, kigira ubutima bwa Nyasaye bu dukira mugo.

Likunula 21:11

lya li nobukumi bwa Nyasaye: ubung'ereng'anu bwalyo bwa li kuli ligina lilahi ligali kuli bweligina lyejasipi li siye ku kuli ubulengeru: