Likunula 15:3 - KITABU KITAKATIFU

³ Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 15:3 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

1 Kyetsinyinga 6:49

Navutswa Haruni navana veve va haana vihaanwa ku bwali bwoku sambwa ku, noku bwali bwevimuli, mu miyinzi gyosi gya hatakatifu he ligali, nokukola kyokukunikira Israeli ubwoni, kuli gosi ga Musa mutumekiri wa Nyasaye ya laga.

2 Kyetsinyinga 24:6

No mwami ya langa Jehoiada munene, na a mu volera, Kigira ki u vuli kwenya ku Valevi va solole ku Yuda noku Yerusalemi, lisolola lya Musa mutumekiri wa Yahova, nowelivugana lya Israeli, ua letere lihema lyelilolekidza?

Nehemia 9:14

na wa va kola va manye lisabato lilyo litakatifu nokuvalaga lilagana, namalago, nelilaga, nomukono gwo mutumekiri wowo Musa,

Ayubu 36:24

Widzulitse u duke kwidzominya miyinzi gyigye, Gyavandu va yimbira.

Ayubu 5:9

Uyu u kolanga vindu vinene vi ta manyekana, Vindu vyokugenya vi ta valika:

Zaburi 100:5

Kigira Yahova a veye mulahitsimbabasi tsyobuyanzi tsitsye tsi veye tsyemihiga nemihiga, Nobusuuvirifu bwibwe bu dukanga ku makula gosi

Zaburi 105:5

Mwidzulitse miyinzi gyokugenya gya u koli, Vyokugenya vivye, na likalaga lyomunwa gwigwe,

Zaburi 111:2

Miyinzi gya Yahova gyi veye minene, Gyenyangwa na vosi ava sangalira kugyo.

Zaburi 111:7

Miyinzi gyamakono gege gyi veye ageligali na likalaga; Na amalago gege gosi ga veye agelisuuvirwa.

Zaburi 139:14

Nda ku santidza; kigira nombwa mu litihidzwa na mu bugenyi: Miyinzi gyigyo gyi veye gyobugenyi; Na mwoyo gwange gu manya yaga ligali.

Zaburi 145:17

Yahova a veye mulungi ku tsinzira tsitsye tsyosi, Na a veye wetsimbabasi mu miyinzi gyigye gyosi.

Zaburi 145:6

Na avandu va la vola ku tsingulu tsyelikola lilyo lyokutihidza; Na inze nda landidza ubunene bubwo.

Zaburi 18:30

Ku uyu Nyasaye, inzira yeye i veye indukiru: Lilaga lya Yahova li henzeridzeywi; A veye ingavo ku vosi avivisa muye.

Zaburi 78:12

Ya kola vyokugenya mu tsimoni tsya avaguga vavo Mu kivala kya Egepeti, na mu mulimi gwa Zoan.

Zaburi 92:5

Miyinzi gyigyo gyi veye minene ndi, O Yahova Na tsiganagani tsitsyo tsi veye tsyoluliva ligali.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Isaya 33:22

Kigira Yahova a veye mukalagi wetu, Yahova a veye wa haana amalago wetu, Yahova a veye mwami wetu; a la ku honnya.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 9:11

Yee, Vaisraeli vosi vononnyi malago gogo, nokugovera, va vule kuhulira mwoyo gugwo: kigira yaga lilaamwa li tsyukeywi ku kwinye, na lisuha lya ng'odwa mu malago ga Musa mutumiki wa Nyasaye; kigira kwoni kuye.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

Mika 7:20

Na u la dukidzira Yakobo ageligali, na tsimbabasi u la dukidzira Abrahamu, vya wesuhira vaguga vetu kutwula madiku ga kale.

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Kwidzulitsa 31:30

Musa ya vola amakuva golwimbu yilu mmatu gelivugana lyosi lya Israeli, kuduka lwa ga fwa.

Kwidzulitsa 32:3

Kigira nda landidza lieta lya Yahova: Mu he Nyasaye wetu ubunene.

Kwidzulitsa 34:5

Kunangwa Musa zana mutumekiri wa Yahova ya kudzera yo mu kivala kya Moabu, kuli likuva lya Yahova.

1 Timoteo 1:17

Kalunu ku Mwami u ta hera mba, kandi u toneka, kandi u ta lolekanga, u veye Nyasaye mulala yeng'ine, lidzominywa nobukumi bu ve kuve mihiga nemihiga Amini.

Vahebraina 3:5

Kandi Musa ligali ya li musuuvirifu mu inyumba yeye yosi kuli mutumwa, a ve kilolekidzu kyevindu vi li volwa inyima;

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 11:17

ni va vola, Ku santidza ive, O Mwami Nyasaye, Unyala Vyosi, u veye ho nowa li ho; kigira u vuguye tsingulu tsitsyo tsinene nokwameha.

Likunula 14:3

kandi vimba kuli lwa li lwimbo luhya imbiri wentebe, kandi imbiri wevilombe vine vi veye mwoyo kandi imbiri wavakulundu: kandi si ha li nomundu wa nyala kwega lwimbo zana na a ta li ku yava tsielfu mia na makumi gane na tsine, yavo ava gulwa mu lirova.

Likunula 14:8

Kandi wundi ingelosi wa kaviri ya londerera, na a vola, Li gwiye, li gwiye Babuloni lidala linene, lya nwehidza avetsihiri tsyosi iwaini yobutima bwobuheyi bwalyo.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.