Likunula 14:7 - KITABU KITAKATIFU

⁷ kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 14:7 ပူးပေါင်းရင်းမြစ်များ

Litanga 22:12

Naye ya vola, U ta hila mukono gugwo ku mwana, kandi u ta kola kindu kuye; kigira kalunu mmanya ive u tidzanga Nyasaye, kigira si u nyimi mwana wowo, mwana muderwa wowo.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Zaburi 115:15

Mwinye mu veye avagasidziywi va Yahova, Wa lomba ligulu nelirova.

Zaburi 124:8

Ubukonywi bwetu bu veye mu lieta lya Yahova, Wa lomba ligulu na lirova.

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Zaburi 36:1

Ubwibaali bwomudamano bu vola mu mwoyo gwange, Si ha li nelitibwa lya Nyasaye imbiri wetsimoni tsitsye.

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Zaburi 95:5

Inyanza i veye yeye, mwene ya gi lomba; Na makono gege ga lomba kivala kyumu

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Isaya 40:3

Mwoyo gwomulala u hanzuka, na a vola, Mu lombe migendanyama inzira ya Yahova; mu lungekidze mu kyangalangwi lihasi lya Nyasaye wetu.

Isaya 40:6

Mwoyo gwomulala u volanga, Hanzuka. Kandi wundi ya teva, Mbanzukira ki? U vole, Vyemibiri vyosi vi veye bunyasi, nobulahi bwavyo bwosi bu veye kuli vimuli vyommulimi.

Isaya 40:9

O ive wilwadziranga Zioni makuva malahi, yanegira mkigulu kitambi: O ive wilwadziranga Yerusalemi makuva malahi, u ginge mwoyo gugwo netsingulu; u gu ginge u ta tia mba; u volere madala ga Yuda Henza Nyasaye wenyu.

Isaya 42:12

Va kuminye Yahova, nokwilwadza lidzominywa lilye mu visulu.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 58:1

Kupa lwanga, u ta gaya mba, hanzuka nomwoyo gugwo kuli kisiliva, wilwadzire avandu vange lihyolo lyavo, noku inyumba ya Yakobo, ubwoni bwavo.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Ezekieli 7:2

Ive, mwana womundu, Mwami Nyasaye a volera kivala kya Israeli ndi, Ki veye kiheri: kiheri ki duki ku tsikorna tsine tsyekivala.

Ezekieli 7:6

Kiheri ki duki, kiheri ki duki; ki vuki ku ive; henza kidzanga.

Danyeli 8:19

Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa.

Hosea 8:1

Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange.

Malaki 2:2

Ni mu va ni mu vula kuhulira, ni mu va ni mu vula kulivika mu myoyo gyenyu, kukuminya lieta lyange, Yahova wa mahe a vola, hene yaho nda leta lilaamwa ku mwinye, na nda laama ubugasu bwenyu; yee, mmali kubulaama, kigira si mwa li vika mu myoyo gyenyu.

Matayo 25:13

Kunangwa mu linde, kigira si mu manya lidiku ne isaa.

Luka 17:18

Si ha veye navandi virana kuha Nyasaye ubukumi, navutswa mugeni uyu?

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Joshua 7:19

Na Joshua ya teva Akan, Mwana wange, mwadza, u kuminye Yahova, Nyasaye wa Israeli, weyame kuye; na u volere inze ga wa kola; u ta ga vise ku inze.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:18

Kandi tsihiri tsya li nobutima, kandi ubutima bubwo bwa duka, kandi inyinga yavakudzu va kalagirwa, kandi inyinga yavatugwa vovo avaprofeti va hebwa amadanyi gavo, navatakatifu, navatidzanga lieta lilvo, avakekeke navanene; nokudividza avadividza lirova.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 16:9

Kandi avandu va sambwa noluhya lunene: kandi va nyega lieta lya Nyasaye u veye netsingulu tsyamaduya yaga; kandi si veganira kumuha lidzominya.

Likunula 18:10

va singiye ihale kigira ubutii bwobu saliri bwalyo, ni va vola, O bayaye bayaye, lidahl linene, Babuloni, lidala lyetsingulu kigira ku isaa indala likalagirwa lilyo li duki.

Likunula 18:17

kigira ku isaa indala ubutugi ubunene ndi bu koleywi hatswa. Kandi avanene vosi vobwato kandi vosi avelemanga nobwato hosi, navamadzi, navosi ava nyola vindu vyavo ku inyanza va singira ihale,

Likunula 18:19

Kandi va vika uluguki ku mitwe gyavo, ni va hanzuka ni va lira nokusyoma, ni va vola, O bayaye, bayaye, lidala linene, mulyo vosi ava li nobwato bwavo ku inyanza, va kolwa avatugi kigira ubulahi bwalyo kigira ku isaa indala li koleywi hatswa.

Likunula 19:5

Kandi mwoyo gwa twula ku intebe, ni gu vola, Mwidzominye Nyasaye wetu, mwinye avatugwa veve vosi, na mwinye ava mu tidzanga, avakekeke navanene.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 8:10

Kandi ingelosi wa kavaka ya kupa, ing'ereng'ani inene yaguluka kutwula migulu, yaaka kuli lumuli, kandi ya gwa ku kidieli kilala ku vivaka vyemigera noku busenukiru bwamadzi;

1 Samweli 6:5

Kigira yaga mu la lomba kifwananyi kyamihi genyu, nekifwananyi kyevisie vyononyanga kivala kyenyu; na mu la kuminya Nyasaye wa Israeli: mbula a la gehidza ubuliduhu bwomukono gwigwe bu veye ku mwinye, noku vanyasaye venyu, noku kivala kyenyu.