Kunangwa avagovuna na avanene venya kunyola kindu ku Danyeli mu miyinzi gyobwami; navutswa si va nyala kunyola kindu kinga lihyolo, kigira ya li musuuvirifu, kandi lihyolo kinga kikyamu si vya nyoleka kuye.
Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.
Lilaga lya geligali lya li mu munwa gwigwe, na bukyamu si bwa loleka mu minwa gyigye mba: ya genda halala ninze mu mirembe nomu bulungi, na ya girunkannya avanyingi va leke ubudamano.
navutswa kalunu u mu hambannyi mu mubiri gwenyama yeye kigira likudza, a duke kumuleta imbiri wewe avatakatifu nava ta li nelihyola nava ta li nekindu kuvo:
nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?