Likunula 14:4 - KITABU KITAKATIFU

⁴ Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 14:4 ပူးပေါင်းရင်းမြစ်များ

Zaburi 45:14

A la letwa ku mwami netsingubo tsyobubahbale: Avakana avagima avakye veve ava mu londanga Va la letwa ku ive.

Zaburi 74:2

Widzulitse livugana lilyo lya wa gula kale, Lya wa nanula kuva ihiri yemiyamdu gyigyo; Widzulitse kigulu kya Zioni kya wa menya mu.

Lwimbu lwa Solomoni 1:3

Maguta gogo ga wevaki ga veye bulahi kuvita iwaini. Maguta gogo ga wevaki ga veye nomuhomo gu yanzidzanga; Lieta lilyo li veye kuli amaguta: malahi aga tsukwa; Kigira yaga avakana va ku yanza.

Lwimbu lwa Solomoni 6:8

Va veye ho avakali vomwami makumi gatano nelilala, na vasuria amakumi gatano na gavaka, Navakana vagima ava ta valika.

Jeremia 2:3

Israeli va li vata katifu ku Yahova, ubuhya bwelimedeka lilye: vosi ava li mu mira va la validzwakuva ne lihyolo; budamano bu la duka kuvo, Yahova a vola.

Amosi 6:1

O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo

Matayo 19:12

Kigira va ve ho vitsiri vivulwa ndiyo kutwula munda mwa vamama: kandi va ve ho vitsiri vindi vyavandu va kola ndiyo: kandi va ve ho vitsiri vindi vekola ndiyo kigira ubwami bwomigulu. U veye netsingulu kulibugirira, a bugirire.

Matayo 25:1

Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi.

Matayo 8:19

Mung'odi mulala yadza kuye na a mu volera, Mwegidzi, nda ku londa ha u tsia hosi.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Yohana 13:37

Petro ya mu volera, Mwami, kigira ki si nyala kukulonda kalunu? Nda haana livamwoyo lyange kigira ive.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

1 Vakorintho 16:15

Kalunu, avamitu, ngoonya mwinye (mu manye inyumba ya Stefano i veye ubuhya bwa Akaiya, kandi avene vivika kutumekira avatakatifu),

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

1 Vakorintho 7:28

Navutswa ive nu u va nu u hilana nomukali, si u koli ubwoni mba; kandi mukana na a hilwa si a koli ubwoni mba. Navutswa ku yava va la va nekivi ku mubiri: inze nyenya kumugayira kivi.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Vafeso 1:14

uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.

Vafeso 5:27

a duke kwenyolira livugana lyobukumi, li ta li nembala kinga makunya, kinga kindi kindu kuli yivi; navutswa li ve litakatifu li ta li nekindu.

1 Timoteo 4:3

va gaya avandu va ta kwa, nokuhaana munua kwiyahula ku vyokulia vya Nyasaye ya lomba, vi vugulwe nelisantidza lya yava ava suuvira ava manya agelizali.

Vahebraina 12:23

noku livugana linene lyavandu vosi, navo v a veye livugana lyavatanga kwivulwa, avameta gavo ga ng'odwa migulu, noku Nyasaye Mukalagi wa vosi, noku myoyo gyavandu valungi gya kolwa midukanu,

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 21:22

Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.

Likunula 3:4

Navutswa u veye nameta makekeke mu Saride ava vula kuvika tsingubo tsyavo mu kifwabwi: navo va la genda halala na inze ni viviki tsindavu; kigira va dukani.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,