Likunula 14:13 - KITABU KITAKATIFU

¹³ Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.

Likunula 14:13 ပူးပေါင်းရင်းမြစ်များ

Zaburi 19:11

Kandi ku yaga mutumekiri wowo a gerehidzangwa: Mu ligumira yaga li veye madanyi manene.

Zaburi 85:13

Ubulungi bu la mwimirira, Nokulombera ligenda lilye, inzira.

Isaya 35:10

na avahonnywa va Yahova va lirana na va la duka Zioni, nokwimba; ubusangali bwemihiga ne mihiga bu la va ku mitwe gyavo: va la nyola ubusangali nobuyanzi, ubuvereri nelikenya vi la twulidzwa li'gali.

Danyeli 12:13

Navutswa ive u tsie kuduka ku inyinga yekiheri ki li va ho; kigira ive u la sosa nokusingira mu bugono bubwo, ku kiheri kyamadiku yago.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.

Luka 16:9

Na inze mmu volera, Mwekolere avalina ku butugi bu ganga; lwa bu li yoneka, va la ka mwingiridze mu bugono bu ta hera mba.

Varumi 14:8

Kigira ni ku va ni ku veye mwoyo ku vera mwoyo ku Mwami, kinga ni ku va ni ku kudza ku kudzera ku Mwami: kunangwa ni ku va ni ku veye mwoyo, naho ni ku va ni ku kudza, ku veye avo Mwami.

1 Vakorintho 15:18

Kandi yava ava mali kugona mu Kristo va divi.

1 Vakorintho 15:20

Navutswa kalunu Kristo u mali kusimuguka kutwula mu vakudzu, ubuhya bwa yavo ava gonanga.

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

2 Vakorintho 5:8

mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

1 Vatesalonike 4:14

Kigira ni ku va ni ku suuvira Yesu ya kudza ma na a simuguka, ga veye kandi ndiyo ava gonanga mu Yesu, Nyasaye a la va leta halala naye.

1 Vatesalonike 4:16

Kigira Mwami mwene a liika kutwula migulu nomwoyo munene, kandi nomwoyo gwengelosi munene kandi nogwekisiliva kya Nyasaye, na yavo va kudza mu Kristo va la simuguka imbiri;

1 Vatesalonike 5:10

wa ku kudzera ni ku va ni ku linda, kinga ni ku va ni ku gona, ku ve mwoyo halala naye.

1 Timoteo 5:24

Ubwoni bwavandu valala bu veye habulavu, bwimiranga kuduka mu likalaga; nobwavandi bu twula inyima.

1 Timoteo 5:25

Kandi ndiyo gyi veye ho miyinzi milahi gyi veye habulavu; kandi yigyi gyi ta li ndiyo si gyi nyala kuviswa.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 16:17

Kandi wa vatano na vaviri yagulula kituva kikye ku tsimbuudza; nomwoyo munene gwa twula mu litempeli, noku intebe, ni gu vola, Ga mali kukolwa:

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 2:1

U ng'odere ingelosi welivugana lya Efeso: Yivi nivyo vya uyu u veye netsing'ereng'ani tsitano na tsiviri mu mukono gwigwe mulungi, u gendanga hagati hevinara vyethahabu vitano na viviri vyetsitaya, a volanga:

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 20:6

A veye nobugasu nobutakatifu uyu u veye nelisanga mu lisimugukidzwa lyokutanga: ku yavo likudza lyakaviri si li veye netsingulu; navutswa va la va avasalisi va Nyasaye nava Kristo, kandi va lameha halala naye mihiga elfu.

Likunula 21:5

Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.

Likunula 22:17

Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.

Likunula 6:11

Navo va hebwa sa mulala kuvo ingubo indavu; kandi va volerwa, va sose i tigaye inyinga inkekeke, kuduka avakye vavo navamwavo vavo, ava liitwa kuli yavo viitwa, va duke kumala inyinga yavo.