Likunula 14:10 - KITABU KITAKATIFU

¹⁰ uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi:

Likunula 14:10 ပူးပေါင်းရင်းမြစ်များ

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

Ayubu 18:15

Yikyo ki ta veye kikye ki la menya mu lihema lilye: Kibiridi ki la tsukwa ku bumenyo bwibwe.

Ayubu 21:20

Tsimoni tsitsye mwene tsi lole ubwoneku bwibwe, Kandi a nwe ubutima bwa uyu Wanyala Vyosi.

Zaburi 11:6

Ku vadamano a la vikidzira mitego; Muliru, na kibiridi, na kihudzudzi kyomuliru ki sambanga vi la va kidieli mu kikombe kyavo.

Zaburi 37:34

U lindirire Yahova, u gumire inzira yeye, Naye a la ku nenehidza kuduka u nyole miyandu gyekivala: Lwa avadamano va temwa, ive u la lola.

Zaburi 52:6

Kandi avalungi va la ga lola, nokutia, Va la mu seka, nokuvola,

Zaburi 60:3

U mannyi avandu vovo vindu vidinyu: U ku nwehidzi iwaini yokuguya guyidza.

Zaburi 73:10

Kigira yaga avandu veve virana hano: Na amadzi gekikombe kizula ga gereywi navo.

Zaburi 75:8

Kigira mu mukono gwa Yahova, ki veye mu kikombe kyewaini kiviravira lifwulu; Kizuye vitsukannyeywi, naye ya vi tsuka: Ligali avadamano velirova vosi va la komheridza amaseke, nokuganwa.

Zaburi 91:8

U la henza netsimoni tsitsyo tsyeng'ine Nokulola madanyi ga avadamano.

Isaya 29:9

Mu lindirire mu genye; mwesangalidze mu ve avoboku: yavo va hambiki, navutswa si i veye iwaini; va yekayeka, navutswa si ga veye nelihambika.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 34:9

Na migera gyakyo gyi la girunkanywa kuva ubusandu, nolugukyi lwakyo lu la girunkanywa kuva kibiridi, nelirova lyakyo li la gwa busandu bu sambanga.

Isaya 51:17

Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

Jeremia 25:27

Na u la va volera, Yahova wa mahe, Nyasaye wa Israeli, a vola: Mu nwe, mu hambike, nokuluka, nokugwa, mu vule kuvuka kandi, kigira kivavi kya nda leta hagati henyu.

Jeremia 49:12

Kigira Yahova a vola: Henza, yavo ava vula kung'olerwa linwa ku kikombe, ligali va la nwa; na ive u veye uyu u li vula kuhebwa mageli? Ive si u la vula kuhebwa mageli, nawtswa ga ku dukira ligali kunwa.

Jeremia 51:57

Kandi nda hambikidza vanene veve, navandu veve vobugeeri, navagali veve, navayampara veve, navaluviriri veve; va la gona tsindolo tsya kazozo si va la vulsa mba, Mwami a vola welieta lilye li veye Yahova wa mahe.

Lisyoma lya Jeremia 4:21

U yanze, u sangale, O mukana wa Edom, u menya mu kivala kya Uzu: Kikombe ki la vita kuduka ku ive; u la hambika, nokwenavula kuva kyahonyo.

Ezekieli 20:48

Na vyemibiri vyosi vi la lola inze, Yahova mmali kufwana muliru yigwo; gu la vula kusiminywa.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Habakuk 2:16

Ive wizuye tsisoni, si wizuye ubukumi: na ive u nwe, u ve kuli uyu wa vula kukevwa; kikombe kyomukono mulungi gwa Yahova ki la girunkanywa ku ive, netsisoni tsi ndamano tsi la va ku ubukumi bubwo.

Matayo 20:22

Navutswa Yesu ya tivula na a vola, Si mu manya kya mu teva mba. Mwinye mu nyala kunwera ku kikombe kya nyenya kunwa ku? Navo va mu volera, Ku nyala.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 26:39

Yisunda hambiri hakekeke, na a gwa mammama na a saala na a vola, Dada wange, ni ki nyalika, kikombe yiki ki mbite: navutswa ga ta va kuli ubulaliri bwange, navutswa ga ve kuli ubulaliri bubwo.

Marko 8:38

Ku vosi u vera inze tsisoni namakuva gange mu likula lyobuheyi yili nelyobwoni; Mwana wa Adamu a la mu vera tsisoni, lwa a li duka nobu kumi bwa Ise wewe netsingelosi.

Marko 9:44

Ha ing'ende yavo i vula kukudza, kali muliru gu vula kusiminywa ho.

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Kwidzulitsa 29:23

na kuli kivala kyosi ki veye kibiridi, nomunyu, nalisamba, ki vule kutagangwa, kinga kwama, kinga ubulimu bu meranga mu mba, kuli li tung'aminywa lya Sodoma na Gomora, Adima na Zeboim, ga Yahova ya tung'aminya nobutima bwibwe, nelivihirirwa lilye

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

Yudasi 1:7

Kuli Sodoma na Gomora, namadala yago ga li ahimbi nago, lwa va mali kwivika mu litsia mbakana, nokulonda mibiri gyindi, kufwana yago, aga vikeywi habulavu ga ve kyokuhenzera ku mu busaliri bwomuliru bwemihiga nemihiga.

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 16:19

Kandi lidala linene lyavukanywa vi twula mu, vidieli vivaka, kandi amadala getsihiri ga gwa: kandi Babuloni lidala linene lidzulitswa imbiri wa Nyasaye, li hebwe kikombe kyewaini yobululu bwobutima bwibwe.

Likunula 18:3

Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.

Likunula 18:6

Li hebwe kuli lya haana, kandi mu li he hali kaviri kuvita miyinzi gyalyo: mu kikombe kya lya tsukannya mu li tsukannyire mu hali kaviri.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 20:14

Kandi likudza na Kihadisi vya tebwa mu inyanza yomuliru. Yili nilyo likudza lya kaviri; li Deye inyanza yomuliru.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.