Likunula 13:6 - KITABU KITAKATIFU

⁶ Kandi ya kunula munwa gwigwe a nyege Nyasaye, nokunyega lieta lilye, na ha a menyi, navo ava menya migulu.

Likunula 13:6 ပူးပေါင်းရင်းမြစ်များ

Ayubu 3:1

Inyima wa yaga Ayubu ya kunul munwa gwigwe, nokulaama lidiku lilye.

Zaburi 73:9

Va viki munwa gwavo migulu, Na ululimi lwavo lu gendanga mu lirova.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Matayo 12:34

Mwinye lwivulo lwetsinzoka avadamano mu nyala ndi kuvola bulahi? Kigira aga veye mmwoyo munwa gu la vola.

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Varumi 3:13

Amadundu gavo ga veye kilindwa kyalamu; Netsinimi tsyavo va tumikiye ubugadi: Ubusungu bwenzoka bu veye mu minwa gyavo:

Vakolosai 1:19

Kigira Dada ya yanza ubudukiru bwosi bu ve mu uyu;

Vakolosai 2:9

Kigira ubudukiru bwosi Obwanyasaye bu menya muye ku mubiri,

Vahebraina 9:2

Kigira ha li nelihema lya lombwa, lyokutanga lya li mu nekyokuginga itaya, nemeza, nobukima bwokumannyira: lya langwa Hatakatifu.

Vahebraina 9:24

Kigira Kristo si yingira mu hatakatifu ha lombwa namakono, kuli lifwana lya heligali; navutswa mu ligulu lyene, kalunu a loleke imbiri wa Nyasaye kigira kwinye:

Likunula 11:12

Kandi va hulira mwoyo munene gu twula migulu ni gu va volera, Mwanegire yino. Navo vanegira migulu mu lilesi; kandi avasigu vavo va va lola.

Likunula 12:12

Kunangwa, O Ligulu, sangali, kandi mwinye ava menya mu. O bayaye bu veye ku lirova noku inyanza: kigira Ibilisi wiki ku mwinye, a veye nobutima bunene, kigira a manya a veye nenyinga inkekeke vutswa.

Likunula 15:5

Kandi inyima wevindu yivi nda lola, litempeli lyelihema lyelilolekidza lyomigulu lya bohololwa:

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo:

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 5:13

Kandi vilombe vyosi vi veye migulu, nevi veye ku lirova, nevi veye isi welirova, nevi veye ku inyanza, kandi vindu vyosi vi veye rnuvyo, nda vi hulira vi vola, Ku uyu wikaye ku intebe, kandi ku uyu Mwana Weligondi, ubugasu yibu, nelidzominywa yilyo, nobukumi yibwo, nobwamehi yibwo kuduka mihiga nemihiga.

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;