Likunula 13:2 - KITABU KITAKATIFU

² Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.

Likunula 13:2 ပူးပေါင်းရင်းမြစ်များ

2 Avami 2:24

Yekevuka na a lola, na a va laama ku lieta lya Yahova. Na tsiduba tsiviri tsinkali tsya twula mu mulitu, na tsi tandula ku yavo makumi gane na vaviri avayai.

Zaburi 22:21

U nkonye ku munwa gweking'ang'a; Yee, ku tsinziga tsyetsing'ombe tsyomigendanyama u mbugiriye.

Tsing'ano 17:12

Iduba i nyagwa avana vayo ni i nyola mundu, Bu veye bulahi kuvita a vugane nomusiru mu busiru bwibwe.

Tsing'ano 28:15

Kuli liva lyeking'ang'a ki fwuma nga, na iduba i gendagenda; Ni ndiyo mudamano wamehanga ku avandu avadaka.

Isaya 5:29

lihuma lyavo li la va kuli lifwuma lyeking'ang'a, va la fwuma kuli ving'ang'a visoleli; yee, va la fwuma noku gumira vilanye, nokuvivugula va tsie navyo bulahi, na si ha la va nomundu kuvahonnya.

Jeremia 13:23

Muethiopia a nyala kugirunkannya ligodo lilye, naho ingo i nyala kugirunkannya ubusalago bwayo? Nu u va nu u nyala yaga hene yaho na mwinye mu la nyala kukola bulahi, ava mwa nala kukola budamano.

Jeremia 5:6

Kunangwa kigira yaga, king'ang'a ki twulanga mbulimu ki la viita, kisalang'ongo kyo mgolova ki la va dividza, ingo i la goneka madala gavo; mundu sa mulala u twula mu a la tandulwa; kigira mahyolo gavo ga veye manene, na lirana inyima lyavo li medeki.

Hosea 11:10

Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.

Amosi 3:12

Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.

Amosi 5:19

Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma.

Habakuk 1:8

Tsiparasi tsyavo tsi veye netsimbiru kuvita engo, na tsindulu kuvita kisalang'ongo kyamgolova; avasikari vetsiparasi velandidzanga: yee, avasikari vavo vetsiparasi va twula ihale liga'i; va bulukanga kuli indidzu i gendanga tsimbiru kulia.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

Likunula 12:13

Kandi inyinga guyoka gwa lola gwaguluywi ku lirova, gwa dambidza mukali uyu wivula mu atla musatsa.

Likunula 12:15

Kandi inzoka ya twulidza amadzi mu munwa gwayo kuli mugera kulonderera mukali, a duke kuhilwa namadzi.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:12

Kandi a tumekira munwa gwosi gwenyama yokutanga imbiri wa ya zana. Kandi ya kola lirova nava menya mu va sigamire inyama yokutanga, yeliduywa lyelikudza lya honywa.

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Likunula 16:10

Kandi wa katano yagulula kituva kikye ku intebe ya uyu inyama; kandi ubwami bwibwe bwa kolwa kisundi; kandi va nyanya tsinimi tsyavo kigira ubusaliri,

Likunula 17:12

Kandi tsinziga likumi tsya wa lola tsi veye avami likumi, ava kikiri kunyola ubwami, navutswa va hebwangwa tsingulu kuli avami halala noyu inyama, inyinga yesaa indala.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,