Likunula 13:15 - KITABU KITAKATIFU

¹⁵ Kandi ya hebwa tsingulu kugiha mwika, kali kifwananyi kye nyama, kifwananyi kyenyama ki molome, nokukola vosi ava vula kusigamira kifwananyi zana v iitwe.

Likunula 13:15 ပူးပေါင်းရင်းမြစ်များ

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Zaburi 115:5

Vi veye neminwa, navutswa si vi moloma mba; Vi veye netsimoni, navutswa si vi lola mba

Jeremia 10:14

Mu ndu sa mulala u gwiye kuli inyama si a veye nelimanya; mutuuli wethahabu sa mulala u legannyeywi kigira kifwa nanyi kikye kya vadzwa; kigira kifwananyi kikye kyokulongwa ki veye bubehi, si ha veye nomwika mukyo.

Jeremia 10:5

Vi veye kuli likindu, vyemiyinzi gyomulweyi, na si vi molomanga: ga vi dukira kugingwa, kigira si vi nyala kugenda vyene. Mu ta vi tia mba; kigira si vi nyala kukola ubudamano, kandi likola bulahi si li veye muvyo mba.

Jeremia 51:17

Mundu sa mulala u gwiye kuli inyama bugira limanya; mutuuli wethahabu sa mulala u leganyewi nekiiwananyi kikye; kigira kifwananyi kikye kyokwelonga ki veye bubehi, si vi veye nomwika muvyo.

Danyeli 7:20

na ku tsinziga likumi tsya li ku mutwe gwayo, na ulwiga lundi lwa mera, lwetsindi tsivaka tsya guulwa imbiri walwo, ulwiga zana yilwo lwa li netsimoni, nomunwa gwa vola vindu vinene, lweliloleka lyalwo lya li linene kuvita tsindi.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Habakuk 2:19

O bayaye ku uyu u volera musala, Yuka; nokuvolera ligina li veye idimbidi, Singira Yiki ki nyala kwegidza? Henza, kya kunikwa ithahabu nefetha, si ha veye nomwika kali hakudzu mukyo.

Yakobo 2:26

Kigira kuli mubiri bugira mwoyo gu kudzi kandi ndiyo lisuuvira bugira likola li kudzi.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 13:12

Kandi a tumekira munwa gwosi gwenyama yokutanga imbiri wa ya zana. Kandi ya kola lirova nava menya mu va sigamire inyama yokutanga, yeliduywa lyelikudza lya honywa.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.

Likunula 14:9

Kandi ingelosi wundi wa kavaka ya va londerera, na a vola nomwoyo munene, Mundu ku vosi na a sigamira inyama yiyi nekifwananyi kyayo, nokubugirira kyokumanyirwa mu bweni bwibwe, kinga mu mukono gwigwe,

Likunula 16:2

Kandi uyu wokutanga ya tsia, ni yagulula kituva kikye ku lirova; nakyo kya gwa lwangaala ludamano ligali ku vandu ava li nekyokumanyirwa kya uyu inyama, ava sigamira kifwananyi kikye.

Likunula 16:5

Kandi nda hulira inge losi wamadzi, na a vola, Ive u veye Mulungi, u veye ho nowa li ho, ive Mutakatifu, kigira wa kalaga ndiyo:

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 17:17

Kigira Nyasaye ya vika mu myoyo gyavo kukola ubu laliri bwibwe, nokukola imbulirani avene navene nokuha uyu inyama ubwami bwavo, kuduka amakuva ga Nyasaye ga dukidzwe.

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 18:24

Kandi amasahi gavaprofeti nagavatakatifu naga vosi aviitangwa ku lirova, ga loleka mulyo.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.