Likunula 13:14 - KITABU KITAKATIFU

¹⁴ Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 13:14 ပူးပေါင်းရင်းမြစ်များ

2 Avami 20:7

Isaya ya vola, Vuguli kibagaga kyobukima bwamakuyu. Navo va ki vugula ni va ki vika ku lihi, naye ya hona.

2 Avami 22:20

Kigira yaga, henza, nda ku vungidza ku vaguga vovo, na u la hilwa mu kilindwa kikyo nemirembe, tsimoni tsitsyo si tsi la lola ubudamano bwosi bwa ndi leta hano. Va letera mwami makuva kandi.

2 Kyetsinyinga 18:21

Na gu mu volera, Inze nda twula, mbe roho gwobubehi mu minwa gyavaprofeti veve vosi. Na ya vola, Ive u la mu goonya, kandi u la nyala kuguuta: tsia, u kole ndiyo.

Ayubu 12:16

Tsingulu nobugeeri vi veye halala naye; Uyu u gadangwa na mugadi vombi na veve.

Kutwula 7:11

Hene yaho Farao ya langa avageeri na avasegetiri: navo kandi, avasegetiri va Egepeti, va kola ndiyo nobusegetiri bwavo.

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Ezekieli 14:9

Kandi ni i va muprofeti uyu ya gadwa nokuvola likuva ku gosi Ninze, Yahova, wa gada muprofeti uyu, na nda nyira mukono gwange kuye, nokumudividza a twula hagati ha vandu vange Israeli.

Ezekieli 16:17

Kandi wa vugula vindu vivyo vyobulahi vya li vyethahabu yange nevyefetha yange, vindu vya nda ku ha, na welombera mu vindu yivyo vifwananyi vyavandu vasatsa, na wa tumekira amalaya halala navo;

Ezekieli 8:10

Ma ndingira ni nki lola; henza, tsing'ano tsyosi tsyevimolanga, na tsyetsinyama tsyokuvihiriridza, na vifwananyi vyosi vyenyumba ya Israeli, vya kupwa ku lidigi hosi.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 13:15

Kandi ya hebwa tsingulu kugiha mwika, kali kifwananyi kye nyama, kifwananyi kyenyama ki molome, nokukola vosi ava vula kusigamira kifwananyi zana v iitwe.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.

Likunula 14:9

Kandi ingelosi wundi wa kavaka ya va londerera, na a vola nomwoyo munene, Mundu ku vosi na a sigamira inyama yiyi nekifwananyi kyayo, nokubugirira kyokumanyirwa mu bweni bwibwe, kinga mu mukono gwigwe,

Likunula 15:2

Kandi nda lola kuli inyanza yechupa ya tsukanywa nomuliru; navo ava guuta ni va twula ku inyama uyu, noku kifwananyi kikye, noku hesabu yelieta lilye, va li va singiye ku inyasi yenyanza yechupa yeyo, va veye nobukana bwa Nyasaye.

Likunula 16:13

Kandi nda lola gya twula mu munwa gwoguyoka, nomu munwa gwa uyu inyama, nomu munwa gwomuprofeti wobubehi, roho gyivaka midamano, kuli amakere:

Likunula 16:2

Kandi uyu wokutanga ya tsia, ni yagulula kituva kikye ku lirova; nakyo kya gwa lwangaala ludamano ligali ku vandu ava li nekyokumanyirwa kya uyu inyama, ava sigamira kifwananyi kikye.

Likunula 18:23

kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 3:10

Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.