Likunula 13:11 - KITABU KITAKATIFU

¹¹ Kandi nda lola inyama yindi yanegira kutwula mu lirova; kandi ya li netsinziga tsiviri kuli mwana weligondi, kandi ya vola nomunwa gwoguyoka.

Likunula 13:11 ပူးပေါင်းရင်းမြစ်များ

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Danyeli 8:3

Hene yaho nda ginga tsimoni tsyange, ni ndola, henza, imbiri womugera lya singira ho ligondi likole, lya li netsinziga tsiviri; na tsinziga tsya li tsintambi; navutswa ulwiga lulala lwa tambiha kuvita lundi, na lu tambi lwa mera inyima.

Matayo 7:15

Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu.

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

Likunula 11:7

Kandi inyinga va li dukidza lilolekidza lyavo, inyama i twulanga mu bogo i la va kolera lihe nokuvaguuta, nokuviita.

Likunula 12:17

Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 13:17

kandi si ha li nomundu kali mulala u nyala kugula kindu kinga kugulidza wundi kindu, na a ta li uyu u veye nekyokumanyirwa nakyo ni lieta lyenyama yiyi kinga hesabu yelieta lilye.

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Likunula 16:13

Kandi nda lola gya twula mu munwa gwoguyoka, nomu munwa gwa uyu inyama, nomu munwa gwomuprofeti wobubehi, roho gyivaka midamano, kuli amakere:

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.