Likunula 12:9 - KITABU KITAKATIFU

⁹ Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 12:9 ပူးပေါင်းရင်းမြစ်များ

Litanga 3:1

Kunangwa inzoka ya li nobugeeri bwobugadi kuvita tsinyama tsyosi tsya Yahova Nyasaye ya li kulomba. Nayo ya volera mukali, Yee, Nyasaye a voye, Mu ta lia ku misala gyosi gyomulimi?

Litanga 3:13

Ma Yahova Nyasaye ya teva mukali, Ni kindu ki kya u koli? Na mukali ya vola, Inzoka ya ngada ni ndia.

1 Kyetsinyinga 21:1

Inyinga yeyo Setani ya vukira Israeli, na a vukidzira Daudi tsiganagani tsyokuvalidza Israeli.

2 Kyetsinyinga 18:21

Na gu mu volera, Inze nda twula, mbe roho gwobubehi mu minwa gyavaprofeti veve vosi. Na ya vola, Ive u la mu goonya, kandi u la nyala kuguuta: tsia, u kole ndiyo.

Zaburi 109:6

U vike mundu mudamano igulu kuye; Na musigu a singire ku luvega lwomukono gwigwe mulungi.

Isaya 14:12

Wagalulwa kuli ndi kutwula migulu, ive Lusiferi, mwana womugamba wa kalika kuli ndi kuduka hasi, ive wa vika tsihiri tsyosi hasi

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Ezekieli 28:16

Kigira ubunyingi bwelikirannya lilyo va kwizulitsa kirage hagati hoho, na ive wa kola ubwoni: kigira yaga nda ta ive u twule mu kigulu kya Nyasaye kuli kindu kyononywa: na nda ku dividza, ive O mukerubi wokukunika, u twule hagati ha magina gomuliru.

Matayo 13:39

na musigu wa ga midza ni Setani: na ligesa ni kiheri kyenyinga; na vagesi ni tsingelosi.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Matayo 4:1

Hene yaho Roho ya hila Yesu mwigendanyama. Setani a mu geridze.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Matayo 4:5

Ma Setani ya mu hila mu lidala litakatifu, na a mu singiridza ku kisegese kyelitempeli,

Matayo 4:8

Kandi, Setani ya mu hila mkigulu kitambi munonono, na a mmannya bwami bwosi bwelirova, nobukumi bwabwo;

Luka 10:18

Naye ya va volera, Nda lola Setani na a gwa kutwula migulu kuli uluheni.

Luka 13:16

Si bu li bulahi mukali uyu, mukana wa Abrahamu, wa Setani ya boha imihiga likumi na gyitanu na gyivaka yigyi, a bohololwe libofwa yili ku lidiku lyelisabato?

Luka 22:3

Kandi Setani yingira Yuda wa langwa Iskarioti, mulala ku va li likumi na vaviri.

Luka 22:31

Simoni, Simoni, henza, Setani ya mwenya, a duke kumusesa kuli ingano:

Luka 8:12

Avoku inzira navo ava hulira; ma Setani yadza kutwulidza likuva zana mu myoyo gyavo, gase va la suuvira va hone.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 16:11

ku likalaga, kigira munene womkivala yiki, u mali kukalagirwa.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 5:3

Navutswa Petro ya vola, Anania, kigira ki Setani a kwizula mwoyo gugwo u volere Roho Mutakatifu ububehi, na u vaase tsindi ku tsishilling tsyo mulimi?

Varumi 16:18

Kigira ava veye ndi si va tumekira Kristo Mwami wetu, navutswa va tumekira inda yavo, kandi va gada myoyo gya yava ava ta li nobudamano ku livola lyavo lidoto.

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

2 Vakorintho 11:14

Kandi si li veye ligenya; kigira kali Setani mwene yegirunkanya a fwane ingelosi wobulavu.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

2 Vakorintho 12:7

Kandi kigira ubunene bwelilang'aminywa yilyo gase nda nenehidzwa kuvita kigero kyange, nda hebwa lifwa mu mubiri, mutumwa wa Setani a duke kunkupidza kivi, mbula kunenehidzwa kuvita kigero.

2 Vakorintho 2:11

Setani a ta nyola ubwiyangu kukuguuta: kigira si ku vula kumanya lisaavira lilye.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

1 Timoteo 2:14

kandi Adamu si ya gadwa, navutswa mukali kigira ya gadwa ya nyola lihyolo:

2 Timoteo 3:13

Navutswa avandu avadamano navagadidzi va lisunda imbiri nokukira kuva vadamano, va gadanga, navo va gadangwa.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Yudasi 1:9

Navu tswa Mikaeli ingelosi munene, lwa ya hing'ana na Setani nokuhangali dzana naye ku mubiri gwa Musa, si ya luvirira kuleta kuye likalagirwa lyamanyego, navutswa ya vola, Mwami a ku gaye.

Likunula 12:12

Kunangwa, O Ligulu, sangali, kandi mwinye ava menya mu. O bayaye bu veye ku lirova noku inyanza: kigira Ibilisi wiki ku mwinye, a veye nobutima bunene, kigira a manya a veye nenyinga inkekeke vutswa.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 12:7

Kandi ha li nobulwani migulu: Mikaeli netsingelosi veve va tsia kulwana noguyoka; kandi guyoka zana, netsingelosi tsyagwo gwa lwana;

Likunula 12:8

nagyo si gya guuta mba, kandi si gya nyola kandi ubugono bwagyo migulu.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 18:2

Kandi ya hanzuka no mwoyo gwetsingulu, na a vola, Babuloni linene, li gwiye, li gwiye, nokugwa kivuganiru kyamademone, habuhambe bwa roho gyosi mudamano, nobuhambe bwamanyonyi madamano na gokuvihiririhidza.

Likunula 18:23

kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.

Likunula 2:24

Navutswa mbolera mwinye ava tigaye mu Tuatera, kuduka vosi ava ta veye namegidzo yaga, na va vula kumanya vindu vya Setani vyomu luliva, kuli vya va volanga; si nda vika ku mwinye musigo gundi.

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

Likunula 9:1

Kandi ingelosi wa katano ya kupa, na inze nda lola ing'ereng'ani yomigulu ni yaguluka ku lirova: naye ya hebwa lufunguo lwomwanka gwobogo.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda: