Likunula 12:17 - KITABU KITAKATIFU

¹⁷ Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.

Likunula 12:17 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

1 Vakorintho 2:1

Na inze lwa nda duka ku mwinye, avamitu, si ndadza kumwilwadzira lilolekidza lya Nyasaye nobunene bwamakuva kinga nobugeeri.

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

1 Yohana 2:3

Ku yaga ku manya, ku mu manya, ni ku gumira amalago gege.

1 Yohana 5:10

U suuvira Mwana wa Nyasaye a veye nelilolekidza muye; u ta suuvira Nyasaye u mali kumukola mubehi; kigira si ya suuvira lilolekidza lya Nyasaye a lolekidza ku Mwana wewe.

1 Yohana 5:2

Ku yaga ku manya kwinye ku yanza avana va Nyasaye, lwa ku yanza Nyasaye kandi kukola amalago gege.

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 11:7

Kandi inyinga va li dukidza lilolekidza lyavo, inyama i twulanga mu bogo i la va kolera lihe nokuvaguuta, nokuviita.

Likunula 12:16

Kandi lirova lya konya mukali, kandi lya kunula munwa gwalyo ni li mira mugera gwoguyoka gwa twulidza mu munwa gwagwo.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.

Likunula 14:12

Yibu nibwo ubwikudziri bwavatakatifu, ava gumira malago ga Nyasaye, nelisuuvira lya Yesu.

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.

Likunula 19:19

Kandi nda lola inyama, navami velirova, namahe gavo, va vugani halala kukola lihe ku uyu wikaye ku iparasi, kandi ku mahe gege.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

Likunula 6:9

Kandi inyinga ya boholola muhuri gwegyitano, nda lola isi wobwali myoyo gya yavo aviitwa kigira likuva lya Nyasaye, kandi kigira lilolekidza lya va li nalyo: