Likunula 12:14 - KITABU KITAKATIFU

¹⁴ Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 12:14 ပူးပေါင်းရင်းမြစ်များ

Zaburi 55:6

Na nda vola, Nkano mbeye netsimbaha kuli tsyelikuulu Kunangwa nda buluka nokusosa.

Kutwula 19:4

Mu loli aga nda kolera Avaegepeti, na kuli nda mu ginga ku tsimbaha tsyendidzu, na nda mu leta ku inze mwene.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:14

Na ya mbolera, kuduka tsinyinga tsya mgolova netsya mugamba tsielfu tsiviri na tsimia tsivaka; ma hatakatifu ha la takaswa.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

Likunula 17:3

Ya mbilira mu Roho kuduka mu kyangalangwi: kandi nda lola mukali ni yikaye ku inyama inzakanyu, yizula ameta gamanyego, yemitwe gyitano na gyiviri netsinziga likumi.