Likunula 12:1 - KITABU KITAKATIFU

¹ Kandi kilolekidzu kinene kya loleka migulu: mukali wa vikwa liuva, nomweli gwa li isi wevirenge vivye, kandi ku mutwe gwigwe itaji yetsing'ereng'ani likumi na tsiviri;

Likunula 12:1 ပူးပေါင်းရင်းမြစ်များ

2 Kyetsinyinga 32:31

Navutswa mu makuva yavatumwa vavanene va Babuloni va tuma kuye ku liteva lyekyokugenya kya kolwa mu kivala, Nyasaye ya mu leka, a geridzwe, a duke kumanya gosi ga veye mmwoyo gwigwe.

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Lwimbu lwa Solomoni 6:10

Ni bwaha uyu mukali u henzererange kuli umugamba, Umulahi kuli mweli Umunifu kuli liuva, Wokutihidza kuli lihe lyetsibendera?

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 62:3

Na u la va igudwa yobulahi mu mukono gwa Yahova, na itaji yo bwami mu mukono gwa Nyasaye wowo.

Zekaria 9:16

Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 12:38

Hene vaho avalala ku Vang'odi na Vafarisayo va mtivulira, ni va vola, Mwegidzi, kwinye kwenya kulola kilolekidzu ku ive.

Matayo 24:30

kunangwaheneyaho ki la lolekana migulu kilolekidzu kyo Mwana wa Adamu: ma tsihiri tsyosi tsyelirova tsi la lira, kandi va la lola Mwana wa Adamu yadza ku malesi gegulu netsingulu nobukumi bunene.

Marko 13:25

netsing'ereng'ani tsyegulu tsi laguluka, netsingulu tsyegulu tsi la degeridzwa.

Luka 21:11

kandi li la va lidegera linene lyelirova, kandi tsitodzo netsinkudzo ihale ne hale; kandi ubutihidzi nevilolekidzu vi la twula migulu.

Luka 21:25

Kandi vi la va vilolekidzu ku liuva, noku mweli, noku tsing'ereng'ani; kandi ku lirova lihenda myoyo lyetsihiri, neligenya kigira muhumu gwenyanza neviguvuli vyayo,

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

Vikolwa 2:19

Nda leta vyokugenya igulu migulu, Nevilolekidzu mu lirova hasi; Amasahi, nomuliru, nelilumbe lyomwoki:

Varumi 13:14

Nawtswa mwevike Mwami Yesu Kristo, kandi mu ta lombera liva lyomubiri lyokudukidza likayirwa lyalyo mba.

Varumi 3:22

yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Vagalatia 3:27

Kigira ku mwinye ava batidzwa ku Kristo, mweviki Kristo.

Vagalatia 4:26

Navutswa Yerusalemi li veye igulu i veye imboholole nayo iyo mama wetu.

Vagalatia 6:14

Navutswa li ve hale ku inze liidzominya ni li ta li ku musalaba gwo Mwami wetu Yesu Kristo, kugwo vyelirova vi gwiye vibambe ku inze, na inze ngwiye mubambe ku vyelirova.

Vafeso 5:32

Agaviswa yaga ga veye manene: navutswa inze mbola amakuva ga Kristo nelivugana.

Likunula 1:20

agaviswa getsing'ereng'ani tsitano na tsiviri tsya wa lola mu mukono gwange mulungi, nagavisuwa agevinara vitano na viviri. Tsing'ereng'ani tsitano na tsiviri tsi veye tsingelosi vamavugano gatano na gaviri: nevinara vitano na vaviri vi veye mavugano gatano na gaviri.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 15:1

Kandi nda lola kilolekidzu kindi migulu, kinene nekyokugennya, tsingelosi vatano na vaviri ava li namaduya gatano na gaviri gekiheri, kigira ubutima bwa Nyasaye bu dukira mugo.

Likunula 21:14

Kandi lidigi lyelidala zana lya li nemise likumi na gyiviri, kandi ku mise ga li ku ameta likumi na gaviri gavatumwa likumi na gaviri vo Mwana Weligondi.

Likunula 21:23

Kandi lidala zana si li veye nelyenya liuva, kinga mweli, okwaaka kulyo: kigira ubukumi bwa Nyasaye bwa li lavidza, kandi itaya yalyo i veye Mwana Weligondi.