Likunula 11:2 - KITABU KITAKATIFU

² Kandi mugidzi gwetempeli u gu leke u ta gu gera mba; kigira tsihiri va hebeywi gwene yigu: nelidala litakatifu va la li duvaga imyeli amakumi gane na gyiviri.

Likunula 11:2 ပူးပေါင်းရင်းမြစ်များ

Zaburi 79:1

O Nyasaye, avetsihiri vingiye mu miyandu gyigyo Va viki ubudamano mu litempeli lilvo litakatifu; Vononnyi Yerusalemi kuva vitumi.

Isaya 48:2

(kigira velanga avene va veye avandu velidala litakatifu, nokwidira ku Nyasaye wa Israeli; welieta lilye li langwa Yahova wa mahe):

Isaya 5:5

Kalunu nda mu volera miyinzi gya nda li kukolera kizabibu kyange: nda twulidza ulwebo lwakyo, na ki la libwa; nda sambula lugaga lwakyo, na ki la duvagwa:

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Lisyoma lya Jeremia 1:10

Mudambidzi u nyiye mukono gwigwe ku vindu vivye vyosi vyokuyanzidza: Kigira u loli ava ta suuvira vingiranga ha butakatifu bwibwe, Ava wa laga kuvo va ta bugirirwa kali kwingira mu livugana lilyo.

Ezekieli 4:6

Kandi lwa u dukidza yago, u la gonera ku mukono mulungi, na u la ginga ubudamano bwenyumba ya Yuda: madiku makumi gane, lidiku lilala li ve lyomuhiga mulala, ndagi ndiyo ku ive.

Ezekieli 42:20

Ya gera tsimbega tsyosi tsine: tsya kumbiridzwa nolugaga lwelidigi tsimbega tsyosi, ubutambi bwalyo tsimia tsitano, nobugalamu bwalyo tsimia tsitano, kuduka kwavukannya hatakatifu, na ha avandu vosi.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 7:19

Kandi ndenya kumanya ageligali genyama ya kane, ya li nelifwana lugano ku tsindi tsyosi, yo butihidzi bunene, ya li na amino gekivya, na masanda gomugasa; na ya lia, nokudonyannya vidonye, nokuduvaga nevirenge vyayo vindu vya tigala;

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:10

Na lwa medeka kugva lunene, kuduka ku lihe lyomigulu; na lwagulula hasi gandi ku lihe, noku tsing'ereng'ani nokutsiduvaga.

Danyeli 8:13

Ma nda hulira mutakatifu a volanga; na mutakatifu wundi ya volers uyu wa vola, Malola ga makuva gkihaanwa kyokusambu a kazozo, na ga mahyolo ga kola hatswa, nokuvika hatakatifu na lihe vi duvagwe, ga la duka inyinga ki?

Danyeli 8:14

Na ya mbolera, kuduka tsinyinga tsya mgolova netsya mugamba tsielfu tsiviri na tsimia tsivaka; ma hatakatifu ha la takaswa.

Livalidza 14:34

Kuli livalidza lyamadiku ga va luta kivala, kali madiku makumi gane, lidiku lilala li volangwa kuva muhiga, mu la ginga ubudamano bwenyu, mihiga makumi gane, na mu la manya lyononya lyelilagana lyange.

Matayo 27:53

ni gyi twula mu vilindwa inyima yelisimu guka lilye, vingira mu lidala litakatifu ni va loleka ku vanyingi.

Matayo 4:5

Ma Setani ya mu hila mu lidala litakatifu, na a mu singiridza ku kisegese kyelitempeli,

Matayo 5:13

Mwinye mu veye munyu gwelirova: navutswa munyu ni gu zangalala, gu la kolwa ndi kandi munyu? Si gu veye kindu kandi, navutswa gu tebwa kyova nokuduvagwa ne virenge vyavandu.

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Likunula 11:11

Inyima wamadiku gavaka nenusu, mwika gwokuva mwoyo gu twula ku Nya saye gwingira muvo, navo va singira nevirenge; kandi ubutii bunene bwa gumira yavo ava va lola.

Likunula 11:3

Kandi nda va ha avalolekidzi vange vaviri, navo va la profeta amadiku elfu indala netsimia tsiviri na makumi gatano na lilala, ni viviki amagunia.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

Likunula 21:10

Kandi ya ngingira mu Roho kumbila mu kigulu kinene kandi kitambi, kandi ya mmannya lidala yilyo litakatifu Yerusalemi, liika kutwula migulu wa Nyasaye:

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 22:19

kandi ku vosi mundu na a va na a twulidza ku makuva gekitabu kyobuprofeti yibu, Nyasaye a la twulidza lisanga lilye ku musala gwelivamwoyo, nomu lidala litakatifu, vi ng'odeywi mu kitabu yiki.