Likunula 11:19 - KITABU KITAKATIFU

¹⁹ Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 11:19 ပူးပေါင်းရင်းမြစ်များ

Zaburi 105:32

Ya va ha imbula yamagina mbu gono bwembula, Na ulumemo lwomuliru mu kivala kyavo.

Zaburi 18:12

Malesi maliduhu ga vita mu bulavu bwa li imbiri wewe, Imbula ya magina na amandu gomuliru.

Isaya 28:2

Henza, Yahova a veye nomulala wobunyali nowetsingulu; kuli kihi kyembula ya magina, kihi kyononnyanga, kuli kihi kyamadzi manene gizulitsanga, a la tsoma hasi nomukono.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 32:19

Navu tswa imbula yamagina i la kupa mu ligwa lyomulitu; na lidala li lalirwa hasi ligali.

Ezekieli 13:11

u volere yavo ava buulanga ubu dohi bwa vula kuduvulwa bulahi, lidigi yilyo li la gwa: ha la va nembula yizulanga amadzi; na mwinye, O magina manene gembula, mu la gwa; na kihi ki la li tandula.

Ezekieli 13:13

Kigira yaga Mwami Nyasaye a vola: Inze nda li tandula nekihi mu ubutima bwange: kandi ha la va nembula yizulanga amadzi namagina manene gembula mu livihirirwa kulidividza ligali.

Ezekieli 38:22

Nda kola likalaga kuye nobulwaye namasahi; nda kupidza imbula kuye, noku viduma vivye, noku avandu vanvingi ava veye halala naye, nda kupidza imbula yo kwizula, nembula yamagina amanene nomuliru, nekibiridi.

Livalidza 10:33

Navo va samula kutwula mu kigulu kya Yahova ulugendo lwa madiku gavaka; na lisanduku lyelilagana lya Yahova lyemira imbiri wavo ulugendo lwa madiku gavaka kuvenyira hokusosa.

Livalidza 4:15

Na lwa Haruni na avana veve va mala kukunika hatakatifu, na viju vyosi vya hatakatifu, lwa hokusosa ha la samula; inyima wa yaga, avana va Kohathu va la tsia kuviginga: navutswa va vule kudira hatakatifu, gase va la kudza. Viju yivi vi veye musigo gwa avana va Kohathu mu lihema iyokuvuganira mu.

Livalidza 4:5

lwa va la sambula hokusosa, Haruni a lingira, na avana veve, na va likidza ingubo yokukinga, nokukunika lisanduku lyelilolekidza nayo,

Joshua 10:11

Na ga duka, lwa va li ni virukanga imbiri wa Israeli, lwa va sulunguta Beth-horon, Yahova ya va lasa magina manene kutwula migulu kuduka Azeka, ni va kudza: ava kudza kwiitwa na magina gembula va veye vanyingi kuvita ava avana va Israeli viita nekivavi.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 12:1

Kandi kilolekidzu kinene kya loleka migulu: mukali wa vikwa liuva, nomweli gwa li isi wevirenge vivye, kandi ku mutwe gwigwe itaji yetsing'ereng'ani likumi na tsiviri;

Likunula 16:1

Kandi nda hulira mwoyo munene gu twula mu litempeli, ni gu volera tsingelosi vatano na vaviri, Mu tsie mwagulule vituva vitano na viviri vyobutima bwa Nyasaye ku lirova.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

Likunula 16:21

Kandi imbula inene yamagina, amagina selilala lya leng'ana netalanta, ya twula migulu ni yika ku vandu: kandi avandu va nyega Nyasaye kigira liduya lyembula yamagina; kigira liduya lyayo li veye linene ligali.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.

Likunula 4:5

Kandi uluheni, nemyoyo, netsinkupa vya twula ku intebe. Kandi tsitaya tsitano na tsiviri tsyomuliru tsyaaka li imbiri wentebe, tsi veye Roho vatano u na vaviri va Nyasaye;

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.

Likunula 8:5

Kandi ingelosi uyu ya vugula kituva; ni yizulitsa ku muliru gwobwali, kandi ya gu sundula ku lirova: kandi ha li netsinkupa, nemyoyo, netsimpeni, nelidegera lyelirova.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.