Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.
Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.
Na lwa Danyeli ya manya mang'oda ga vikeywi lieta, ya tsia mu inyumba yeye (nu u manyi madirisha gege ga li malamu mu inyumba yeye kuhenza ku luvega lwa Yerusalemi); naye y a sigama hali kavaka ku lidiku, na a saala, na a santidza imbiri wa Nyasaye wewe, kuli wa ya kolanga ku matsyambiri.
Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:
Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.
Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;
Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.
Kigira yaga liduywa lyalyo li la duka ku lidiku lilala, nalyo li veye likudza, neliverera nenzala; kandi li la sambwa nomuiiru ligali; kigira Mwami Nyasaye wa li kalagira a veye netsingulu.
Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.