Likunula 11:15 - KITABU KITAKATIFU

¹⁵ Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 11:15 ပူးပေါင်းရင်းမြစ်များ

Zaburi 110:4

Yahova yesuha, na si a leganira mba: Ive u veye musalisi mihiga nemihiga Ku lugano lwa Melikizedeki.

Zaburi 146:10

Yahova a lameha mihiga nemihiga, Nyasaye wowo, O Zioni, kuduka ku makula gosi. Mwidzominye Yahova.

Zaburi 2:2

Avami velirova va tsuvana avene, Na avamehi va volerana avene na avene Kwambakana Yahova, no mbake wewe, va vola

Zaburi 72:11

Yee, avami vosi va la mu sigamira; Na tsihiri tsyosi tsi la mu tumekira.

Zaburi 82:8

U singire, O Nyasaye, u kalagire lirova; Kigira ive u la nyola avetsihiri va ve miyandu.

Zaburi 86:9

Tsihiri tsyosi tsya wa lomba tsi la sigama imbiri wowo, O Mwami; Na va la kuminya lieta lilyo.

Kutwula 15:18

Yahova a lameha mihiga nemihiga.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 44:23

Mwimbe, mwinye ligulu, kigira Yahova u lombi inkuva yiyi; mu kupe lwanga, mwinye isi welirova; mu lete tsinyimbu, mu imbe mwinye vigulu, O mulitu, na misala gyosi gyi veye mugwo: kigira Yahova u tungiye Yakobo, na a lekuminya mwene mu Israeli.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 16:19

O Yahova, tsingulu tsyange, impinga yange, na kyokwivisa mu kyange ku lidiku lyekivi, tsihiri tsi ladza ku ive kutwula ku tsintulu tsyelirova, na va la vola, Avaguga vetu si va nyola kindu mu miyandu navutswa ububehi bweng'ine, aga vutswa na vindu vi ta konya kindu.

Ezekieli 37:25

Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.

Ezekieli 47:5

Lwenyima ya gera kandi elfu; nagwo gwa li mugera agwa nda vula kunyala kwambuka; kigira amadzi ga kira ligali, amadzi agomundu a nyala kwerema mugo, mugera gu ta nyala kwambukwa nevirenge.

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Danyeli 7:22

kuduka Muhindira wa madiku ya duka, na avatakatifu va U Veye Igulu Ku Vyosi va hebwa likalaga, na inyinga ya duka ya vatakatifu va gumira ubwami.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Hosea 2:23

Na nda mu simika mu lirova kigira inze; na nda vererera mukali uyu wa vula kuverererwa; na nda volera yava ava ta li avandu vange, Mwinye mu veye avandu vange; navo va la vola, Ive u veve Nyasaye wange.

Obadia 1:21

Navahonnyi va lanegira ku kigulu kya Zioni kukalagira kigulu kya Esau; nobwami bu la va bwa Yahova.

Mika 4:7

na nda kola vasegeranga kuva litigala, na ava kungwa nda va kola kuva ihiri yetsingulu: na Yahova a lameha kuvo mu kigulu kya Zioni kutwula kalunu kuduka mihiga nemi higa.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Zekaria 2:11

Na ku lidiku yilyo tsihiri tsinyingi tsi lehambannya na Yahova, navo va la va avandu vange; na nda va hagati hoho, na u la manya Yahova wa mahe niye wa ntuma ku ive.

Malaki 1:11

Kigira kutwula ku litonga lyeliuva kuduka ku liyera lyalyo, lieta lyange li veye linene mu tsihiri: kandi hosi kimuli ki la sambangwa ku lieta lyange, na kihaanwa kilahi: kigira lieta lyange li veye linene mu vandu vetsihiri: Yahova wa mahe a vola.

Matayo 24:31

A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Luka 1:33

a lameha ku avenyumba ya Yakobo imihiga nemi higa; ubwami bwibwe si bu li va nekiheri mba.

Luka 15:10

Kandi ndiyo mmu volera, Bu veye ho ubuyanzi imbiri wetsingelosi va Nyasaye kigira mwoni mulala weganira.

Luka 15:6

Kandi lwa a duka hango hehe, a langa avalina veve navatende veve, na a va volera, Mu sangale halala na inze, kigira nyoye ligondi lyange lya gota.

Vikolwa 4:26

Avami velirova vetegeki, Navanene va vugana halala, Kuhing'ana no Mwami kandi na Kristo wewe.

Vahebraina 1:8

Navutswa ku Mwana a vola, Intebe yoyo, O Nyasaye, i veye yemihiga nemihiga; Kandi impimbo yobulungi nempimbo yobwami bubwo.

Likunula 10:7

navutswa mu madiku gomwoyo gwengelosi wa katano na kaviri lwa yenya kukupa, vyaviswa vya Nyasaye vi la malilika, kuli lilwadza lilahi lilye lya yilwadzira avatugwa veve avaprofeti.

Likunula 12:10

Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 16:17

Kandi wa vatano na vaviri yagulula kituva kikye ku tsimbuudza; nomwoyo munene gwa twula mu litempeli, noku intebe, ni gu vola, Ga mali kukolwa:

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:1

Inyima wevindu yivi nda hulira kuli mwoyo munene gwekiduma kinene migulu, ni va vola, Aleluya; Ubuhonnyi, nobukumi, netsingulu, vi veye vya Nyasaye wetu:

Likunula 19:6

Kandi nda hulira mwoyo kuli mwoyo gwekiduma kinene, kandi kuli mwoyo gwamadzi manene, kandi kuli mwoyo gwetsinkupa tsyetsingulu, ni gu vola, Aleluya: kigira Mwami Nyasaye wetu, Wanyala Vyosi, yamehanga.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Likunula 9:1

Kandi ingelosi wa katano ya kupa, na inze nda lola ing'ereng'ani yomigulu ni yaguluka ku lirova: naye ya hebwa lufunguo lwomwanka gwobogo.

Likunula 9:13

Kandi ingelosi wa katano na mulala ya kupa, na inze nda hulira mwoyo mulala mu tsinziga tsyobwali bwethahabu obu veye imbiri wa Nyasaye,