Likunula 11:12 - KITABU KITAKATIFU

¹² Kandi va hulira mwoyo munene gu twula migulu ni gu va volera, Mwanegire yino. Navo vanegira migulu mu lilesi; kandi avasigu vavo va va lola.

Likunula 11:12 ပူးပေါင်းရင်းမြစ်များ

2 Avami 2:1

Na ga duka, lwa Yahova yenya kuhila Elija migulu nembuudza yekihudzudzi, hene yaho Elija ya twula Gilgali halala na Elisha.

2 Avami 2:11

Na ga duka, lwa va li ni va tsitsanga, nokuvolerana, henza, nonoho ligari lyomuliru lya loleka, netsiparasi tsyomuliru, tsya vavukannya uyu na uyu; na Elija yanegira kutsia migulu nembuudza yekihudzudzi.

2 Avami 2:5

Avana vavaprofeti ava veye ha Yeriko vesunda ku Elisha, nokumuteva, Ive u manya Yahova a la twulidza munene wowo a vule kuva ku ive kandi lero? Ya va tivulira, Yee, mmanya; mu kiring'ane.

2 Avami 2:7

Navandu makumi gatano vavana vavaprofeti va tsia, nokusingira kuvahenzera ihale: navo vombi va singira himbi ku Yordani.

Zaburi 112:10

Mudamano a la ga lola, na a la verera; A la lumannya amino, na a la saluluka: Lyegomba lyomudamano li la diva.

Zaburi 15:1

Yahova, ibwaha a la menya mu lihema lilyo? Ibwaha a la menya mu kigulu kikyo kitakatifu?

Zaburi 24:3

Ni bwaha u lyanigira mu kigulu kya Yahova? Kandi ni bwaha u li singira mu hatakatifu hehe?

Zaburi 86:17

U mmannye lilolekidza lyobulahi Yavo ava ndunyiranga, va la lole va ve isoni Kigira ive, Yahova, u mbonnyi, nokuleminya mwoyo gwange.

Kutwula 14:25

Na ya twulidza tsingida tsyamagari gavo, ni ga gendidzwa nobudinyu; kuduka Avaegepeti va vola, Kwiruke kutwula imbiri wa Israeli; kigira Yanova a va lwanira ku Avaegepeti.

Isaya 14:13

Na wa vola mu mwoyo gugwo, Inze ndanegira kuduka migulu, nda ginga intebe yange yobwami igulu kuvita tsing'ering'ani tsya Nyasaye; na ndikala ku kigulu kyelivugana, mu tsimbega tsyekiheri kyakasikasini;

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Isaya 60:8

Yava ni bwaha ava bulukanga kuli lilesi, kuli madiri sha ga bulukanga kutsia mu myanzu gago?

Malaki 3:18

Inyinga yeyo mu la galuka na mu lavukanya hagati ha valungi na vadamano, hagati ha uyu u tumekira Nyasaye na uyu u vula ku mu tumekira.

Luka 16:23

Kandi mu kihadisi ya li mu lisaliridza ya kunula tsimoni tsitsye na a lola Abrahamu ihale, na Lazaro mu kiritu kikye.

Vikolwa 1:9

Kandi lwa ya mala kuvola yaga inyinga ya va henza, ya gingwa igulu: nelilesi lya mu vugula ni li mu twulidza mu tsimoni tsyavo.

1 Vatesalonike 4:17

inyima kwinye ava ku veye mwoyo, ava ku li tigala, ku la hilwa mu malesi halala na yavo, ku duke kwaganira Mwami mu bwerefu: na ndiyo ku la va halala no Mwami mihiga nemihiga.

Likunula 12:5

Kandi yivula mwana musatsa, a lameha tsihiri tsyosi nempimbo yekivya: kandi mwana wewe yadikidzwa kuduka migulu ku Nyasaye, noku intebe yeye.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.