Likunula 10:5 - KITABU KITAKATIFU

⁵ Kandi ingelosi wa nda lola na a singiye ku inyanza noku lirova ya ginga mukono gwigwe mulungi na a gu henzidza migulu,

Likunula 10:5 ပူးပေါင်းရင်းမြစ်များ

Litanga 14:22

Na Abram ya volera mwami wa Sodoma, Inze rgingiye Yahova mukono gwange, Nyasaye u Veye Igulu ku Vyosi, Mwene weligulu ne lirova,

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Zaburi 146:5

A veye nobugasu u veye na Nyasaye wa Yakobo kuva mukonyi wewe, Welisuuvira lilye li veye ku Yahova Nyasaye wewe:

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Kutwula 6:8

Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Ezekieli 20:15

Kandi nda visuhira mu kyangalangwi, si nda va leta mkivala kya nda li ni nda va ha, kivala ki gangulukanga amaveere nobwuki, ki veye ubukumi bwevivala vyosi;

Ezekieli 20:23

Kandi nda visuhira mu kyangalangwi, nda va salannya mu tsihiri, nokuvasalannya mu vivala vyehale nehale;

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Ezekieli 20:42

Na mu la manya mbeye Yahova, lwa nda mala kumuleta mu kivala kya Israeli, mu kivala kya nda mwisuhira nda ha avadada venyu.

Ezekieli 20:5

kandi u va volere, Mwami Nyasaye a vola ndi: Mu lidiku lya nda tovola Israeli, nokuginga umukono gwange ku visukululwi vye nyumba ya Yakobo, nokwelang'aminya kuvo mu kivala kya Egepeti, lwa nda visuhira, nokuvola, Inze mbeye Yahova Nyasaye wenyu;

Ezekieli 36:7

Navutswa Yahova ya mbolera, U ta vola, Inze mbeye mwana; kigira u la tsia ku uyu wa nku hila kuye, na gosi aga nku laga u la ga vola.

Ezekieli 47:14

Na mwinye mu la ki nyola kuva miyandu, mulala kuli wundi; kigira ndisuha kukyo kukihaana ku vaguga venyu: nekivala yiki ki la va ku mwinye kuva miyandu gyenyu.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 17:23

Kigira lwa nda vita, ni mbenza vindu vyemiluka gyenyu, nda nyola kandi bwali bulala bwa ng'odwa amakuva yaga, BWA NYASAYE U TA MANYWA. Inze mmu vuulira yiki kya mu kolera miluka bugira kukimanya.

Varumi 1:20

Kigira vindu vivye vi ta loleka kutwula inyinga yelirova lya lombwa, vi loleka ligali, kigira vi manyekana ku vyalombwa, navyo vi veye tsingulu tsitsye tsyemihiga nemihiga nobunyasaye bwibwe; va vule kuva nekya va tivula.

Kwidzulitsa 32:40

Kigira ng'inganga mukono gwange migulu, Nokuvola, Kuli mbeye mwoyo mihiga nemihiga,

Vahebraina 6:13

Kigira lwa Nyasaye ya ha Abrahamu lisuuviridzwa, kigira si ha li nomunene wa mu vita wokwisuha, yeyisuha mwene,

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 10:2

kandi ya li nakatabu mu mukono gwigwe ka kunuywi: kandi ya vika kirenge kikye kilungi ku inyanza, nekimosi ku lirova;

Likunula 14:7

kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 16:17

Kandi wa vatano na vaviri yagulula kituva kikye ku tsimbuudza; nomwoyo munene gwa twula mu litempeli, noku intebe, ni gu vola, Ga mali kukolwa:

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,