Likunula 10:10 - KITABU KITAKATIFU

¹⁰ Na inze nda vugula katabu mu mukono gwengelosi ni nka lia; kandi ka li mu munwa gwange kanolu kuli ubwuki: navutswa lwa nda mala kulia, munda mwange mwa gwa ubululu.

Likunula 10:10 ပူးပေါင်းရင်းမြစ်များ

Zaburi 104:34

Tsiganagani tsyange tsi ve tsinolu kuye: Nda sangala mu Yahova.

Zaburi 119:103

Ga veye manolu ndi makuva gogo mu munwa gwange Yee, manolu kuvita ubwuki mmunwa gwange.

Zaburi 19:10

Yivi nivyo vyenyangwa kuvita ithahabu, yee, kuvita ithahabu inyingi indahi; Vi veye vinolu kuvita ubwuki, ubwuki mu masang'asa.

Tsing'ano 16:24

Makuva gokuyanzidza ga veye kuli lisang'asa lyobwuki, Ga veye amanolu ku mwoyo, na ubulamu ku vigumba.

Ezekieli 2:10

naye ya ki kunula imbiri wange; nakyo kya ng'odwa musi negulu; na ga ng'odwa mukyo lisyoma nobuverereri neli.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Ezekieli 3:3

Ni ya mbolera, Ive mwana womundu, u lihidze inda yoyo, nokwizulitsa amala gogo lilinga lyekitabu lya nda ku ha. Ma nda li lia; nalyo mmunwa gwange bunolu bwalyo bwa li kuli ubwuki.

Likunula 10:11

Kandi va mbolera, Ga ku dukira kuprofeta kandi ku vandu vanyingi, noku tsihiri tsinyingi, noku tsinimi tsinyingi, noku avami vanyingi.

Likunula 10:9

Kandi nda tsia ku ingelosi, ni mu volera ya mpe katabu. Naye ya mbolera, U ka vugule, u ka lie; kandi ka la kola munda mumwo ubululu, navutswa mu munwa gugwo ka la va kanolu kuli ubwuki.