Likunula 1:8 - KITABU KITAKATIFU

⁸ Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 1:8 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 28:3

Kandi Nyasaye Wa Nyala Vyosi a ku gasidze, a ku kole kuva nolwivulu iunyingi, nokukumeda ligali, u duke kuva kiduma kyetsihiri;

Litanga 35:11

Na Nyasaye ya mu volera, Inze mbeye Nyasaye Wanyala Vyosi: u ve nolwivulu lunyingi, nokumedeka; ihiri nobunyingi bwetsihiri tsi la twula ku ive, kandi avami va la twula ku inda yoyo;

Litanga 43:14

na Nyasaye Wanyala Vyosi a mu he tsimbabasi imbiri womundu uyu, a duke kumubohololera amwavo wenyu wundi na Benjamini. Ni mbereridzwa ku avana vange, li la va livereridzwa.

Litanga 48:3

Na Yakobo ya volera Yosefa, Nyasaye Wanyala Vyosi ya loleka ku inze ha Luz mu kivala kya Kanani, na ya ngasidza,

Litanga 49:25

Kali Nyasaye wa dada wowo, u li ku konya, Noku Wanyala Vyosi u li ku gasidza, Nobugasu bwomigulu igulu, Nobugasu bwenyanza ya hasi, Nobugasu bwetsimbeere nobwa inda.

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Kutwula 6:3

na nda loieka ku Abrahamu, ku Isaka, na ku Yakobo, na lieta Nyasaye Wanyala Vyosi; navutswa ku lieta lyange, Yahova, si nda manyekana kuvo.

Isaya 41:4

Ni bwaha wa kola nokulomba inkuva yiyi, u langanga visukululwi kutwula mu litanga? Inze, Yahova, welitanga, nowekiheri, inze niye.

Isaya 43:10

Mwinye mu yeye avaloli vange, Yahova a vola, mutumekiri wange wa nda tovola; mu duke kumanya nokusuuvira inze, nokumanya inze niye: imbiri ku inze Nyasaye si a lombwa yo mba, kandi inyima ku inze si a la va yo wundi mba.

Isaya 44:6

Yahova a vola yaga, Mwami wa Israeli, Mutungiri wewe, Yahova wa mahe: inze mbeye wokutanga, nowekiheri; si ha veye na Nyasaye wundi ku inze.

Isaya 48:12

Hulira inze, O Yakobo, na Israeli mulangwa wange: inze niye; inze mbeye wokutanga, kandi mbeye wekiheri.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Livalidza 24:4

Uyu, a vola, uyu u hulirangamakuva ga Nyasaye, Uyu u lolanga lilola lya Wanyalavyosi, Na a gwa hasi, na tsimoni tsitsye tsya kunulwa:

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 11:17

ni va vola, Ku santidza ive, O Mwami Nyasaye, Unyala Vyosi, u veye ho nowa li ho; kigira u vuguye tsingulu tsitsyo tsinene nokwameha.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 19:6

Kandi nda hulira mwoyo kuli mwoyo gwekiduma kinene, kandi kuli mwoyo gwamadzi manene, kandi kuli mwoyo gwetsinkupa tsyetsingulu, ni gu vola, Aleluya: kigira Mwami Nyasaye wetu, Wanyala Vyosi, yamehanga.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga:

Likunula 21:22

Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 22:13

Inze mbeye Alfa na Omega, wokutanga nowekiheri litanga nekiheri.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.