Likunula 1:3 - KITABU KITAKATIFU

³ A veye nobugasu u somanga, kandi yava ava huliranga amakuva gobuprofeti yibu, nokulinda vindu vi ng'odeywi mu: kigira inyinga i veye himbi.

Likunula 1:3 ပူးပေါင်းရင်းမြစ်များ

Tsing'ano 8:34

A veye nobugasu mundu u huliranga inze, U lindanga madiku gosi mu viliango vyange U lindanga ha maliva geviliango vyange.

Jeremia 51:61

Jeremia ya volera Seraia, Ive lwa u duka Babuloni, hene yaho u henze u duke kusorna makuva yaga gosi,

Matayo 24:15

Lwa mu lola livihiridzwa lyokwononya ya Danyeli mprofeti ya vola, li singira mu hatakatifu (u somanga a manye),

Luka 11:28

Navutswa ya vola, Yee, navutswa va veye nobugasu ava hulira likuva lya Nyasaye, na va li gumira.

Varumi 13:11

Kandi yaga, ku manya inyinga, kalunu ni inyinga yenyu yokuvuka mu tsindolo: kigira kalunu buhonnyi bwetu bu veye himbi ku kwinye kuvita lwa kwa tanga kusuuvira.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

2 Petro 3:8

Navutswa, avayanze, kindu yiki kilala mu tivirira, ku Mwami lidiku lilala li veye kuli mihiga elfu, kandi mihiga elfu gyiveye kuli lidiku lilala.

Likunula 22:10

Kandi ya mbolera, U ta vika muhuri ku makuva gobuprofeti bwekitabu yiki; kigira inyinga i veye himbi.

Likunula 22:12

Henza, nzidza bwangu; mbeye kandi namadanyi gange halala, kutunga mundu sa mulala kuli miyinzi gyigye gyi veye.

Likunula 22:20

U lolekidzanga vindu yivi a vola, Yee: nzidza bwangu. Amini: udze, Mwami Yesu.

Likunula 3:11

Nzidza bwangu: u gumire budinyu kya u veye nakyo, a ta va ho mulala a hile itaji yoyo.