Likunula 1:18 - KITABU KITAKATIFU

¹⁸ na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 1:18 ပူးပေါင်းရင်းမြစ်များ

Ayubu 19:25

Navutswa inze mmanya Mutungiri wange a veye mwoyo, Noku kiheri a la singira ku lirova.

Ayubu 38:17

Viribwa vyelikudza vi mali kwigulwa ku ive? Kinga u loli viribwa vyekiriri kyelikudza?

Zaburi 18:46

Yahova a veye mwoyo; na lu gasidzwe lwanda lwange; Nyasaye wobuhonnyi bwange a nenehidzwe.

Zaburi 68:20

Nyasaye a veye ku kwinye, Nyasaye wobuhonnyi; Yahova Mwami a veye mwene lihonnya mu likudza.

Isaya 22:22

Na lufunguo lwenyumba ya Daudi nda vika mwivega lilye; na a ligula, na si ha veye na u hana; na a la hana na si ha veye nowigula.

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 16:19

Ninze nda ku ha lufunguo lwobwami bwomigulu: navyo vyosi vya u li boha mu lirova, navyo vi la bofwa migulu; navyo vyosi vya u li boholola mu lirova kandi vi la bohololwa migulu.

Luka 24:5

lwa va tia ni vinaminya mitwe gyavo ni va kupa tsimoni hasi, va va volera, Kigira ki mwinye mwenya mu vakudzi, u veye mwoyo?

Yohana 11:25

Yesu ya mu volera, Inze mbeye lisimuguka, kandi mbeye livamwoyo: u suuvira inze, kaliva na a kudza, a la va mwoyo;

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Varumi 6:9

Ni ku manya ndi, Kristo ya simugukidzwa, si ya kudza kandi; likudza si lyameha kuye kandi.

2 Vakorintho 13:4

kigira ya bambwa mmudedekere, navutswa a veye mwoyo mu tsingulu tsya Nyasaye. Kigira kwinye kandi ku veye avadedekere muye, navutswa ku la va mwoyo halala naye ku tsingulu tsya Nyasaye itsi veye ku mwinye.

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

Vakolosai 3:3

Kigira mwa kudza, nelivamwoyo lyenyu li viseywi halala na Kristo mu Nyasaye.

Vahebraina 1:3

Uyu u veye bung'ering'anu bwobukumi bwibwe, nelifwana lyolugano lwilwe mwene, kandi u diranga vindu vyosi ku likuva lyetsingulu tsitsye, kandi lwa ya mala kulomba lyogidza lyobwoni, yikala ha mukono mulungi gwo Munene migulu;

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 7:16

u vuli kukolerwa musalisi ku lugano lwomunwa gwelilaga lyomubiri, navutswa ku tsingulu tsyelivamwoyo li ta li nekiheri:

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Likunula 10:6

ni yisuha ku uyu u veye mwoyo mihiga nemihiga, wa lomba ligulu nevindu vyosi vi veye mu, nelirova nevindu vyosi vi veye mu nenyanza nevindu vyosi vi veye mu lilindagira si li li va ho kandi:

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 2:8

Kandi u ng'odere ingelosi welivugana li veye mu Simurina. Yivi nivyo vya uyu u veye litanga nekiheri, wa gwa mukudzu, na a va mwoyo kandi a volanga:

Likunula 20:13

Kandi inyanza ya twulidza avakudzu ava li muyo; kandi likudza na Kihadisi vya twulidza avakudzu ava li muvyo: kandi va kalagirwa sa mulala kuli miyinzi gyavo.

Likunula 20:14

Kandi likudza na Kihadisi vya tebwa mu inyanza yomuliru. Yili nilyo likudza lya kaviri; li Deye inyanza yomuliru.

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 5:14

Nevilombe vi veye mwoyo vine vya vola, Amini. Navakulundu va gwa hasi nokusigamira.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.

Likunula 9:1

Kandi ingelosi wa katano ya kupa, na inze nda lola ing'ereng'ani yomigulu ni yaguluka ku lirova: naye ya hebwa lufunguo lwomwanka gwobogo.

1 Samweli 2:6

Yahova yiitanga, kandi a kolanga kuva mwoyo: Yikidzanga kuduka mkilindwa, na a letanga igulu.