Likunula 1:14 - KITABU KITAKATIFU

¹⁴ Kandi mutwe gwigwe nelisu lilye lya li lilavu kuli pamba indavu, lilavu kuli likonza; netsimoni tsitsye tsya li kuli lumemo lwomuliru;

Likunula 1:14 ပူးပေါင်းရင်းမြစ်များ

Danyeli 10:6

na mubiri gwi gwe gwa li kuli zumaradi, na mumoni mwimwe mwa li kuli luheni, na tsimoni tsitsye tsya li kuli tsimuli tsyaakanga, na makono na virenge vya li kuli mugasa gu siyeywi, na mwoyo gwamakuva gege gwa li kuli mwoyo gwa avandu vanyingi.

Danyeli 7:9

Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Matayo 28:3

Ligondo lilye lya li kuli luheni, netsingubo tsitsye tsya li tsindavu kuli likonza:

Likunula 19:12

Kandi tsimoni tsitsye tsi veye kuli lumemo lwomuliru kandi ku mutwe gwigwe tsi veye ku tsitaji tsinyingi; kandi a veye nelieta li ng'odeywi li ta veye ho nomundu u li manya, na a ta li uyu mwene.

Likunula 2:18

Kandi u ng'odere ingelosi welivugana li veye Tuatera. Yivi nivyo vyo Mwana wa Nyasaye uyu u veye netsimoni kuli lumemo lwomuliru, netsinduvatiru tsitsye kuli mugasa gu siyeywi igali, a volanga: