Likunula 1:1 - KITABU KITAKATIFU

¹ Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;

Likunula 1:1 ပူးပေါင်းရင်းမြစ်များ

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Danyeli 8:16

Na nda hulira mwoyo gwomundu hagati ho mugera gwa Ulai, gwa langirira, nokuvola, Gabirieli, Lungika mundu uyu malola.

Danyeli 9:21

yee, inyinga nda li ni mbola mu lisaala, mundu Gabirieli wa nda lola mu malola matsyambiri, a bulukidzwe bwangu, ya ndira himbi inyinga yokuvuyidza ubwali bwa mgolova.

Danyeli 9:23

Inyinga yokutanga lisaala lilyo, munwa gwa haanwa, na inze nzidzi kukuvolera kigira ive u yanzeywi ligali: kigira yaga u ganagane inkuva, nokuhulira malola.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Yohana 12:49

Kigira inze si nda vola aga twula ku inze mwene; navutswa Dada wa ntuma ya mpa lilaga, lya mbola nelya nzilwadza.

Yohana 15:15

Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.

Yohana 17:8

kigira amakuva ga wa mpa, inze mali kuvaha; navo va ga vugula, kandi va manya ligali nda twula ku ive, kandi va suuvira ni ive wa ntuma.

Yohana 3:32

Aga a loli nokuhulira, nigo aga a lolekidza; kandi si ha veye nomundu u bugirira lilolekidza lilye.

Yohana 8:26

Mbeye nevindu vi nyingi vyokuvola ku mwinye nokukalaga ku mwinye: navutswa wa ntuma a veye weligali; na inze aga nda hulira kuye, nigo aga mbolera avomkivala.

Varumi 16:25

Kalunu ku uyu u nyala kuluviridza mwinye kuli ivangeli yange kandi kuli lilwadza lyamakuva ga Yesu Kristo, kandi kuli livuulika lyagaviswa ga vikwa makiriri mu tsinyinga tsyemihiga nemihiga,

Vagalatia 1:12

Kigira inze si nda gi vugula ku mundu kandi si nda yegidzwa, navutswa ya ndukira ku livuula lya Yesu Kristo.

Vafeso 3:3

kuli nda mannywa agaviswa mu livuulwa, kuli nda tanga kumung'odera mu makuva makekeke.

Tito 1:1

Paulo, mutugwa wa Nyasaye, nomutumwa wa Yesu Kristo, kuli lisuuvira lya vatovole va Nyasaye, ka ndi kuli limanya lyageligali li veye kuli litibwa lya Nyasaye,

Likunula 1:19

Kunangwa u ng'oda vindu vya u lola, kandi vindu vi veye ho, kandi vindu vi la va ho inyima;

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 17:1

Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba

Likunula 22:6

Kandi ya mbolera, Amakuva yaga ga veye masuuvirifu nageligali: kandi Mwami, Nyasaye wemyoyo gyavaprofeti, ya tuma ingelosi wewe kumannya avatugwa veve vindu vya ga dukira kuva ho bwangu.

Likunula 22:8

Kandi inze Yohana mbeye uyu wa hulira nokulola vindu yivi. Kandi inyinga nda hulira nokulola, nda gwa hasi kusigamira ha virenge vyengelosi wa mannya inze vindu yivi.

Likunula 22:9

Kandi ya mbolera, Henza u ta kola ndi mba: Inze mbeye wakyo kandi wavamwavo vovo avaprofeti, nowa yavo ava gumiranga amakuva gekitabu yiki: sigamira Nyasaye.

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.

Likunula 5:7

Yadza na a vugula kitabu mu mukono mulungi gwa uyu wikaye ku intebe.