Kyavalevi 7:18 - KITABU KITAKATIFU

¹⁸ Kandi ku inyama yekihaanwa kyemirembe kikye, ni i va ni i libwa ku lidiku lya kavaka, si i la vugirirwa mba, kinga kuvalidzwa ku uyu wa haana i la va livihiridza, na uyu a lia kuyo mwene a la ginga ubudamano bwibwe.

Kyavalevi 7:18 ပူးပေါင်းရင်းမြစ်များ

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Isaya 65:4

avandu vikalanga hagati hevilindwa, nokugona hokwivisa; ava litsanga tsnyama tsyempidzi, nomunyu gwevindu vyokumbihiriridza gu veye mu viju vyavo;

Isaya 66:3

Uyu wiita ing'ombe a veye kuli wiiti mundu; uyu u haana kihaanwa kyeligondi a veye kuli uvunannya ligoti lyembwa; na uyu u haananga kihaanwa kyokunwa, a veye kuli u haananga masahi gempidzi na u vuyidzanga kimuli, a veye kuli u gasidzanga kifwananyi. Yee, va tovoye tsinzira tsyavo avene, na mwoyo gwavo gu sangalira livihiridza lyavo:

Jeremia 14:10

Yahova a volera avandu yava likuva yili, Ni ndiyo va yanzi kuvoyavoya; si va gaya virenge vyavo: kigira yaga Yahova si ya va bugirira mba; kalunu a lidzulitsa ubudamano bwavo, nokuvanza kisalya ubwoni bwavo.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Ezekieli 18:20

Mwoyo gwomundu gu kolanga ubwoni gu la kudza: umwana a la vula kuginga ubudamano bwa dada wewe, kandi dada a la vula kuginga ubudamano bwomwana wewe; ubulungi bwibwe bu la va ku uyu wobulungi, nobudamano bwibwe bu la va ku uyu wobudamano.

Hosea 8:13

Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti.

Kyavalevi 10:17

Kigira ki mu vuli kulia kihaanwa kyobwoni hango hatakatifu, kigira ki veye kitakatifu, Naye ya mu ha mu duke kuginga lihyolo lyelivugana, kuvalombera kyokukunika kyobwoni imbiri wa Yahova?

Kyavalevi 10:19

Na Haruni ya voiera Musa, Henza, lero va haani kihaanwa kyobwoni kyavo, na kihaanwa kyokusambwa kyavo imbiri wa Yahova; na inkuva kuli yivyi ya ngwira: na inze ni mba u liye ki haanwa kyobwoni lero, ngano kya ka va inkuva yokuyanzidza imbiri wa Yahova?

Kyavalevi 11:41

Na vyosi vi molanga ku lirova vi la va vidamano; vi la vula kulibwa.

Kyavalevi 17:16

Navutswa na a vula kutsyogidza, nokwisinga mbiri, hene yaho a la ginga ubudamano bwibwe.

Kyavalevi 19:5

Na lwa mu haana kihaanwa kyemirembe ku Yahova, mu la ki haana mu duke kubugirirwa.

Kyavalevi 20:17

Na musatsa na a vugula mbotso wewe, mwana wa dada wewe, kinga wa mama wewe, nokulola kyahonyo kikye, na mukana a lola kyahonyo kikye; i veye inkuva yetsisoni; na va la twulidzwa imbiri wetsimoni tsya avana va avandu vavo: u vimbuye kyahonyo kya mbotso wewe; mwene a la ginga ubudamano bwibwe.

Kyavalevi 20:19

Kandi u ta vimbula kyahonyo kya amwavo wa mama wowo, kinga kya senge wowo; kigira u vimbuye kyahonyo kya viko veve va himbi: va la ginga ubudamano bwavo.

Kyavalevi 22:16

na ndiyo va kolwa kuginga mahyolo aga leta kindu kuvo, lwa va lia vindu vitakatifu vyavyo: inze mbeye Yahova u va takasanga.

Kyavalevi 22:23

Ing'ombe kinga ligondi li veye nekindu kya vitirira, kinga kya gehera ku vindu vyevivero vyakyo, u veye nomunwa kulihaana kuva kihaanwa kyomwoyo gwobuyanzi; navutswa kyelilagana si ki la bugirirwa mba.

Kyavalevi 22:25

Kandi mu ta haana vyokulia vya Nyasaye wenyu vi twula ku mukono gwomugeni vi veye ku yivi vyosi; kigira ubudamano bwavyo bu veye muvyo, kilema ki veye muvyo: si vi la bugirirwa ku mwinye.

Kyavalevi 5:17

Kandi mulala ku vosi na a kola ubwoni, nokukola lilala ku makuva ga Yahova ya gaya ku ga ta kolwa mba, kali na a ta manya, a veye nelihyolo, na a la ginga ubudamano bwibwe.

Kyavalevi 7:19

Na inyama i dira kindu kidamano si i la libwa mba; i la sambwa nomuliru. Na ku inyama yindi, sa mulala uyu u veye museredzi a la gi lia:

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Malaki 1:10

Nkano ha veye ho mulala hagati henyu wetegeki kuhana miliango, mu vule kuhambidza muliru vutswa ku bwali bwange si mu yanzeka ku inze mba, Yahova wa mahe a vola, kandi si mbugirira kihaanwa kali kilala mu makono genyu.

Malaki 1:13

Kandi mu vola yaga, Henza, inkuva yiyi i ku luhidzanga ku duka ndi na mwinye mu vi hudzudzanga nemiyeka gyomolo, Yahova wa mahe a vola; na mu leti kya vugulwa nekirage, kandi kilema, na kilwaye; ni ndiyo mu letanga vyokuhaanwa: ga ndukira ku bugirira kindu yiki mmakono genyu? Yahova a vola.

Livalidza 18:27

Na kihaanwa kyokudigululwa kvenyu ki la validzwa ku mwinye, kuli ki veye ubuswage bwolodze, na kuli lizuia lyekyokumina mazabibu.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Varumi 4:11

Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi.

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

1 Petro 2:24

Mwene ya ginga ubwoni bwetu mu mubiri gwigwe ku musala, kuduka kwinye ku mali kukudza ku bwoni, ku ve mwoyo ku bulungi; wa mwa honnyirwa ku likuywa lilye.