Kyavalevi 6:3 - KITABU KITAKATIFU

³ kinga na a dola kya gota, na a veha kukyo, nokwisuha ku bubehi; mu vindu yivi vyosi, kilala kuvyo vya mundu a kola nokwona ku;

Kyavalevi 6:3 ပူးပေါင်းရင်းမြစ်များ

Kutwula 23:4

Nu u va nu u lola ing'ombe yomusigu wowo kinga isukiri yeye gotanga, ligali u giranye kuye kandi.

Kutwula 28:42

Na u la va lombera tsisiruali tsyengubo yekatani kukunika kyahonyo kyavo; tsi la duka kutwula mu kikenge kuduka ku matango:

Tsing'ano 24:28

U ta va muloli ku mutende wowo bugira kivune; Na u ta gada neminwa gyigyo.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Jeremia 7:9

Mu liba, nokwiita, nokuheya, nokwisuha ku bubehi, nokuvuyidze vimuli ku Baal, nokulonda vanyasaye vandi ava mu ta manya,

Ezekieli 44:19

Navo lwa va twula kutsia kyova kwingira mmugidzi gwekyova, kali kwingira mmugidzi gwekyova kutsia kb vandu, va la navula tsingubo tsyavo tsya va li natsyo mu litumika lyavo, va la tsi vika mu vigodola vitakatifu; na va livika tsingubo tsindi, va vule kutakasa avandu netsingubo tsyavo.

Kyavalevi 1:16

na a la twulidza livodzero lyalyo halala na amandu galyo, nokuvika haluvega hobwali, ku luvega lwevugwe, hobugono bweligoke;

Kyavalevi 16:4

Na a livika likoti litakatifu lyekatani, na a livika isiruali yekatani ku nnbiri gwigwe, na a leboha musipi gwekatani na a la vikwa igudwa yekatani: yitsi ni tsingubo tsintakatifu; na a lisinga mbiri gwigwe mu madzi, na a la tsyevika.

Kyavalevi 19:12

Mu tesuha lyobubehi ku lieta lyange, nokwononya lieta lya Nyasaye wowo: inze mbeye Yahova.

Zekaria 5:4

Nda ki leta, Yahova wa mahe a vola, na ki lingira mu inyumba yomwivi, nomu inyumba ya uyu wisuhanga ku lieta lyange nobubehi; na ki la menya hagati ha inyumba yeye, nokugisamba halala nemisala gyayo na magina gayo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.