Kyavalevi 5:7 - KITABU KITAKATIFU

⁷ Ni i va ubunyali bwibwe si bu duka ku kimeme kyeligondi, a la leta ku Yahova, kihaanwa kikye kyelihyola lilye lya ya kola, amakuulu gaviri, kinga makuulu matuge gaviri, kuva kihaanwa kyelikalagirwa, lilala lyekihaanwa kyobwoni, na lindi lyekihaanwa kyokusambwa.

Kyavalevi 5:7 ပူးပေါင်းရင်းမြစ်များ

Kyavalevi 12:6

Na lwa madiku gelitakaswa lilye ga duka kigira mwana muyai, kinga mwana mukana, a la leta mwana weligondi womuhiga mulala kuva kihaanwa kyokusambwa, na likulu lituge, kinga lyombulimu kuva kihaanwa kyobwoni, a vi haane ha kiliango kyelihema lyokuvuganira mu, nokuha musalisi:

Kyavalevi 12:8

Ni i va miyandu gyigye gyi vula kuduka ku mwana weligondi, ma a la vugula makulu gaviri gombulimu, kinga makulu matuge gaviri; lilala kuva kihaanwa kyokusambwa, na lindi kuva kihaanwa kyobwoni: na musalisi a la mu lombera kyokukunika ubwoni, naye a la va mulahi.

Kyavalevi 14:30

Na a la haana lilala ku makuulu, kinga ku makuulu matuge, kuli aga a nyala kunyola;

Kyavalevi 14:31

kali ku yaga aga a nyala kunyola lilala li la va kihaanwa kyobwoni na lindi li la va kihaanwa kyokusambwa, halala na kihaanwa kyobusie: na musalisi a la lombera uyu wa li kutakaswa, kyokukunika ubwoni imbiri wa Yahova.

Kyavalevi 15:30

Na musalisi a la haana lilala kuva kihaanwa kyobwoni, na lindi kuva kihaanwa kyokusambwa; na musalisi a la mu lombera kyokukunika ubwoni imbiri wa Yahova ku litadza lyobudamano bwibwe.

Kyavalevi 16:5

Na a la vugula ku livugana lya avana va Israeli tsimbuli tsikole tsiviri kuva kihaanwa kyobwoni, na ligondi likole lilala kuva kihaanwa kyokusambwa.

Kyavalevi 27:8

Navutswa na a va na a veye mudaka kuvita livalidza lilyo, ma a la vikwa imbiri womusalisi, na musalisi a la mu validza; kuli linyala lya uyu wa singeridza lilagana a la mu validza ndiyo.

Kyavalevi 5:11

Navutswa ubunyali bwibwe ni bu ta duka kuleta makuulu gaviri, kinga makuulu matuge gaviri, ma a la lets kidieli kilala ku vidieli likumi vyefa vyobusie bunyuki, kuva kihaanwa kyobwoni bwa ya kola: na a la vula kuvika ku maguta, kinga kimuli; kigira ki veye kihaanwa kyobwoni.

Kyavalevi 7:1

Kandi yili ni lilaga lyekihaanwa kyelihyolo: ki veye kitakatifu ligali.

Kyavalevi 9:3

Na u la volera avana va Israeli, nokuvola, Mu vugule imbuli ikole kuva kihaanwa kyobwoni; na kimoli na ligondi, vyombi vyomuhiga mulala, na vidukanu, kuva kihaanwa kyokusambwa;

Livalidza 5:6

U volere avana va Israeli, Lwa musatsa kinga mukali va kola ubwoni ku bwosi bwa avandu va kola, kuduka kuhyola ku Yahova, na mundu uyu a la va nelikalagirwa;

Livalidza 6:10

Na ku lidiku lya gatano na gavaka a la leta makuulu gaviri, kinga makuulu matuge gaviri, ku musalisi, ha kiliango kyelihema lyokuvuganira mu:

Livalidza 6:11

na musalisi a la haana lilala kuva kihaanwa kyobwoni, na lindi kuva kihaanwa kyokusambwa, na a la mu lombera kyokukunika ubwoni, kigira ya gwa mwoni kigira mukudzu, na a la takasa mutwe gwigwe ku lidiku zana yilyo.

Matayo 10:16

Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Matayo 21:12

Yesu yingira mu litempeli lya Nyasaye, na a kunga vosi va gula ni va kirannya mu litempeli, na a kunaminya tsimeza tsya va kirannya tsishilling, nevisako vya va li ni va gula makuulu;

Matayo 3:16

Na Yesu, lwa ya batidzwa, ya twula mmadzi nonoho: kandi henza, ligulu lya mkunulirwa, na a lola Roho wa Nyasaye yika ni yadza kuye kuli likuulu;

Luka 2:24

nokutwulidza kindu kyokusalisa, kuli ga volwa mu lilaga lyo Mwami, Amakuulu gaviri gombulimu, kinga makuulu matuge gaviri.

2 Vakorintho 8:12

Kigira ni gu ve ho mwoyo gwete geke gu bugirirangwa kuli kigero kyomundu a veye nakyo, si ga li kuli kigero kya a ta li nakyo mba.