Ndeyama ubwoni bwange imbiri wowo, Na si nda visa ubukyamu bwange: Nda vola, Ndeyamira Yahova mahyolo gange; Na ive wa sameha ubukyamu bwobwoni bwange. [Selaha
Wiyame ubudamano bubwo, bwa webaalira ku Yahova Nyasaye wowo, nokusalannya tsinzira tsitsyo tsi ve tsyavageni isi womusala sa mulala gwa matu mavisi, na si mwa hulira mwoyo gwange mba, Yahova a vola.
Na nda saala Yahova Nyasaye wange, nokweyama ubwoni, nokuvola, O Mwami, Nyasaye munene nowokutihidza, u gumiranga lilagana, netsimbabasi navo ava mu yanzanga nokugumira malago gege,
na Haruni a la vika amakono gege gombi ku mutwe li gwekole i veye mwoyo, nokwiyamira kuyo ubudamano bwosi bwa avana va Israeli, na mahyolo gavo gosi, kali ubwoni bwavo bwosi; na a la bu vika ku mutwe gwekole, na a la gi hila mwigendanyama mu mukono gwomundu wetegeki:
Na musalisi a la mu lombera kyokukunika ubwoni bwibwe bwa ya kola ku vindu yivi, naye a la samefwa: na bu tigala bu la va bwomusalisi, kuli kihaanwa kyobusie.
hene yaho a leyama ubwoni bwibwe bwa ya kola: na a liranya kigira kyokukalagirwa kikye nobudukanu bwakyo, na a la meda ku kidieli kilala kyevitano kyakyo, nokuha uyu wa ya hyola kuye kuva nekyokukalagirwa.