Kyavalevi 4:6 - KITABU KITAKATIFU

⁶ na musalisi a la vika kidete kikye mu masahi, nokuguuha imbiri wa Yahova hali gatano na kaviri, imbiri wengubo yokukinga hatakatifu.

Kyavalevi 4:6 ပူးပေါင်းရင်းမြစ်များ

Kutwula 40:21

na ya vika lisanduku mu lihema, na a sunga ingubo yokukinga, na ya kinga lisanduku lyelilolekidza; kuli Yahova ya laga Musa.

Kutwula 40:26

Na ya vika ubwali bwethahabu mu lihema lyokuvuganira mu imbiri wengubo yokukinga;

Kyavalevi 14:16

na musalisi a liina kidete kyomukono mulungi mu maguta ga veye mu mukono gwigwe mmosi na a luuha maguta nekidete, hali gatano na gaviri imbiri wa Yahova:

Kyavalevi 14:18

na maguta ga tigala mu mukono gwomusalisi a la vika ku mutwe gwa uyu wa li kutakaswa: na musalisi a la lombera uyu kyokukunika ubwoni imbiri wa Yahova.

Kyavalevi 14:27

na musalisi a luuha maguta nekidete kikye kilungi ku maguta ga veye mu mukono gwigwe mmosi hali gatano na gaviri imbiri wa Yahova:

Kyavalevi 14:7

na a la guuha hali gatano na gaviri ku uyu wa li kutakaswa ku bugere, na a la vola a veye mulahi, na a la lakula linyonyi li veye mwoyo, li tsie.

Kyavalevi 16:14

na a la vugula ku masahi gekimoli, nokuguuha nekidete ku intebe yetsimbabasi ku luvega lwevugwe; na imbiri wentebe yetsimbabasi a luuha masahi nekidete hali gatano na gaviri.

Kyavalevi 16:19

Naye a luuha masahi kubwo; nekidete kikye hali gatano na gaviri, nokubukola bulahi, nokubutakasa ku budamano bwa avana va Israeli.

Kyavalevi 25:8

Kandi u levalidzira masabato gatano na gaviri gemihiga ku ive, gyi veye mihiga gyitano na gyiviri hali katano na kaviri; na ga la va ku ive madiku gamasabato gatano na gaviri gemihiga, gyene gyi veye mihiga makumi gane na gyitano na gyine.

Kyavalevi 26:18

Kandi mwinye ku yaga, ni mu va ni mu vula kumbulira, hene yaho nda mu li dambidza kuvita hali katano na kaviri kigira ubwoni bwenyu.

Kyavalevi 26:24

inze kandi nda genda nelihing'ana ku mwinye; na nda mu duya, yee inze, nda mu duya hali katano na kaviri kigira ubwoni bwenyu.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Kyavalevi 4:17

na musalisi a la vika kidete mu masahi, nokuguuha imbiri wa Yahova, hali katano na kaviri, imbiri wengubo yokukinga.

Kyavalevi 4:25

Na musalisi a la vugula ku masahi gekihaanwa kyobwoni nekidete kikye, nokugavika ku tsinziga tsyobwali bwekihaanwa kyokusambwa, na masahi gayo a la ga tsuka hasi hobwali bwokusamba kihaanwa.

Kyavalevi 4:30

Na musalisi a la vugula ku masahi gakyo nekidete kikye, nokugavika ku tsinziga tsyobwali bwekihaanwa kyokusambwa; na masahi gakyo gosi a la tsuka hasi hobwali.

Kyavalevi 4:34

Na musalisi a la vugula ku masahi gekihaanwa kyobwoni ne kidete kikye, nokugavika ku tsinziga tsyobwali bwekihaanwa kyokusambwa, na masahi gakyo gosi a la tsuka hasi hobwali:

Kyavalevi 8:11

Na yuha maguta ku bwali hali katano na kaviri, na a vaka ubwali na viju vyabwo vyosi, na lwero, na bwikaliru bwalwo, kuvitakasa.

Kyavalevi 8:15

Na ya giita; na Musa ya vugula masahi, na a ga vika ku tsinziga tsyobwali tsimbega tsyosi nekidete kikye na a takasa ubwali, na a tsuka masahi isi wobwali kubutakasa, a duke kubulombera kyokukunika ubwoni.

Kyavalevi 9:9

Na avana va Haruni va mu letera masahi; naye yiina kidete mu masahi, na a ga vika ku tsinziga tsyobwali, na ya tsuka masahi isi wobwali:

Livalidza 19:4

na Eleazaru musalisi a la vugula ku masahi gayo nekidete kikye, nokwuha masahi gayo hali gatano na gaviri ku luvega lwembiri lwelihema lyokuvuganira mu.

Joshua 6:4

Kandi avasalisi vatano na vaviri va la ginga visiliva vitano na viviri vyetsinziga tsyamagondi makole imbiri welisanduku: lidiku li kola gatano na gaviri mu la kumberidza lidala hali gatano na kaviri, na avasalisi va la kupa visiliva.

Joshua 6:8

Kunangwa, lwa Joshua ya mala kuvolera avandu, avasalisi vatano na vaviri va ginganga visiliva vitano na viviri vyetsinziga tsyamagondi makole imbiri wa Yahova, vimira, na va kupa visiliva zana: na lisanduku lyelilagana lya Yahova lya va londa.