Kyavalevi 4:3 - KITABU KITAKATIFU

³ musalisi wa vakwa na a va na kola ubwoni kuduka kuleta kyokukalagirwa ku avandu, hene yaho a haane kigira ubwoni bwibwe, bwa ya kola, a la haana ku Yahova kimoli kigiriki ki dukanu kuva kihaanwa kyobwoni.

Kyavalevi 4:3 ပူးပေါင်းရင်းမြစ်များ

2 Kyetsinyinga 29:21

Na va leta tsigiriki tsitano na tsiviri, na magondi makole gatano na gaviri, navana vamagondi vatano na vaviri, netsikole tsitano na tsiviri, vi ve kihaanwa kyobwoni kyobwami, kandi kya hatakatifu, na kya Yuda. Na ya laga vasalisi avana va Haruni va vi haane kuva kihaanwa ku bwali bwa Yahova.

Ezara 8:35

Avana velyadikidzwa, ava twula mu lyadikidzwa lyavo, va haana ku Nyasaye wa Israeli vihaanwa vyokusambwa, tsigiriki likumi na tsiviri tsi ve tsya Israeli vosi, namagondi makole makumi gatano na gane na magondi gatano na lilala, na avana vamagondi makumi gatano na gaviri na vatano na vaviri, na tsimbuli tsikole likumi na tsiviri, tsi ve kihaanwa kyobwoni: yivi vyosi vya li kihaanwa kyokusambirwa Yahova.

Kutwula 29:14

Navutswa inyama yegiriki, na lisero lyayo, na ubose bwayo, u la vi sambira kyova wa hokusosa: vi veye kihaanwa kyobwoni.

Kutwula 29:21

Na u la vugula ku masahi aga veye ku bwali, noku maguta gokuvaka nokwuha ku Haruni, noku tsingubo tsitsye, noku avana veve, noku tsingubo Isyavo halala naye: naye a la takaswa, netsingubo tsitsye, navana veve, netsingubo tsyavana veve halala naye.

Kutwula 29:7

Ma u la vugula maguta gokuvaka, nokutsuka ku mutwe gwigwe, nokumbaka.

Kutwula 30:10

Na Haruni a la lomba ku tsinziga tsyabwo kyokukunlka ubwoni inyinga indala ku muhiga; a la lomba kyokukunika ubwoni na masahi gekihaanwa kyobwoni inyinga indala ku mukiga mu visukululwi vyenyu vyosi: bu veye butakatifu ligali ku Yahova.

Ezekieli 40:39

Na mu lusimbu lwekiribwa tsya li ho tsimeza tsiviri ku luvega yilu, na tsimeza tsiviri ku lundi tsyokwiitira ku kihaanwa kyokusambwa, na kihaanwa kyobwoni, na kihaanwa kyamahvolo.

Ezekieli 43:19

Avasalisi Avalevi avolwivulu lwa Zadoku, ava veye ahimbi ku inze, u la va ha kimoli kigiriki kuva kihaanwa kyobwoni, va duke kutumekira inze, Mwami Nyasaye a vola.

Ezekieli 44:27

Noku lidiku lya yingira hatakatifu, mu mugidzi gwomugati, kutumika hatakatifu, a la haana kihaanwa kikye kyobwoni, Mwami Nyasaye a vola.

Kyavalevi 1:10

Na kihaanwa kikye ni ki va ni ki veye kyekyayo, kyamagondi kinga kyetsimbuli, kihaanwa kyokusambwa; a la ki leta kisatsa kidukanu.

Kyavalevi 1:3

Kindu kyekihaanwa kikye ni ki va ni ki veye kihaanwa kyokusambwa kyetsing'ombe, a la leta igiriki indukanu: a la gi leta ha kiliango kyelihema lyokuvuganira mu, a duke kubugirirwa imbiri wa Yahova.

Kyavalevi 16:11

Na Haruni a la leta kimoli kyekihaanwa kyobwoni, ki veye kikye mwene, na a lelombera mwene navenyumba yeye kyokukunika ubwoni, na a liita kimoli kyekihaan w a kyobwoni ki veye kigira mwene:

Kyavalevi 16:3

Haruni alingira hatakatifu nevindu yivi: kimoli kigiriki kuva kihaanwa kyobwoni, na ligondi likole kuva kihaanwa kyokusambwa.

Kyavalevi 16:5

Na a la vugula ku livugana lya avana va Israeli tsimbuli tsikole tsiviri kuva kihaanwa kyobwoni, na ligondi likole lilala kuva kihaanwa kyokusambwa.

Kyavalevi 16:6

Na Haruni a la leta igiriki kuva kihaanwa kyobwoni, kuva kikye mwene, nokwilombera mwene navenyumba yeye, kyokukunika ubwoni.

Kyavalevi 4:14

lwa ubwoni bwa va kola bu manyekana, hene yaho livugana li la haana kimoli kigiriki ki ve kihaanwa kyobv oni, nokukileta imbiri welihema lyokuvuganira mu.

Kyavalevi 4:23

na a va na u vuulirwa ubwoni bwibwe bwa ya kola, a la haana kihaanwa kikye, ki la va imbuli ikole indukanu.

Kyavalevi 4:28

na a va na a vuulirwa ubwoni bwibwe bwa ya kola, hene yaho a la haana imbuli, isuveni indukanu, kigira ubwoni bwibwe bwa ya kola.

Kyavalevi 4:5

Na musalisi wa vakwa s maguta a la vugula ku masahi gekimoli, nokugaleta ku lihema lyokuvuganira mu:

Kyavalevi 5:6

na a la leta ku Yahova, kihaanwa kikye kyelihyola lilye, ki ve kyobwoni bwibwe bwa ya kola, kimeme kyeligondi kisuveni, kinga imbuli isuveni, ki ve, kihaanwa kyobwoni; na musalisi a la lombera uyu kyokukunika ubwoni bwibwe.

Kyavalevi 6:18

Avasatsa vosi ku avana va Haruni va la bu lia, kuva kidieli kikye kyemihiga gyosi mu visukululwi vyenyu vyosi, ku vindu vi haanangwa nomuliruku vosi a dira ku a la va mutakatifu.

Kyavalevi 8:12

Naya tsuka maguta gokuvaka ku mutwe gwa Haruni, nokumuvaka kumutakasa.

Kyavalevi 9:2

na ya volera Haruni, U vugule kimoli kyekyayo kuva kihaanwa kyobwoni, na ligondi likole lidukanu kuva kihaanwa kyokusambwa, na u vi haane imbiri wa Yahova.

Kyavalevi 9:3

Na u la volera avana va Israeli, nokuvola, Mu vugule imbuli ikole kuva kihaanwa kyobwoni; na kimoli na ligondi, vyombi vyomuhiga mulala, na vidukanu, kuva kihaanwa kyokusambwa;

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Livalidza 8:8

Ma va haane igiriki isoleli, halala nobusie bwayo bwokuhaana, bu ve bunyuki bwa tsukanywa na maguta; na ive u la vugula igiriki yindi isoleli kuva kihadnwa kyobwoni.

Varumi 8:3

Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:

2 Vakorintho 5:21

Uyu wa vula kumanya bwoni ya mu kola kuva ubwoni kigira kwinye; kwinye ku duke kuva ubulungi bwa Nyasaye.

Vahebraina 5:3

Kigira yaga ga mu dukira kuli a kolera vandu kandi yekolera ku mwene, a haana visyuviriru kigira ubwoni.

Vahebraina 9:12

naho si li veye ku masahi getsimbuli nagevimoli, navutswa ku masahi gege mwene, yingira inyinga indala eng'ine hatakatifu, u nyoye ubutungiri bwemihiga nemihiga.