Kyavalevi 4:18 - KITABU KITAKATIFU

¹⁸ Naye a la vika masahi malala ku tsinziga tsyobwali bu veye imbiri wa Yahova, bu veye mu lihema lyokuvuganira mu; na masahi gosi a la ga tsuka hasi hobwali bwekihaanwa kyokusambwa, bu veye ha kiliango kyelihemalyokuvuganira mu.

Kyavalevi 4:18 ပူးပေါင်းရင်းမြစ်များ

2 Kyetsinyinga 29:22

Ma viita tsigiriki, na vasalisi va kingeridza masahi nokuguha ku bwali: na viita magondi makole, ni vuha masahi ku bwali: na viita kandi avana vamagondi, ni vuha masahi ku bwali.

Kutwula 29:12

Na u la vugula masahi gegiriki nokugavika ku tsinziga tsyobwali nekidete kikyo; na u la tsuka masahi gosi ha zana isi wobwali.

Kutwula 30:10

Na Haruni a la lomba ku tsinziga tsyabwo kyokukunlka ubwoni inyinga indala ku muhiga; a la lomba kyokukunika ubwoni na masahi gekihaanwa kyobwoni inyinga indala ku mukiga mu visukululwi vyenyu vyosi: bu veye butakatifu ligali ku Yahova.

Kyavalevi 4:25

Na musalisi a la vugula ku masahi gekihaanwa kyobwoni nekidete kikye, nokugavika ku tsinziga tsyobwali bwekihaanwa kyokusambwa, na masahi gayo a la ga tsuka hasi hobwali bwokusamba kihaanwa.

Kyavalevi 4:30

Na musalisi a la vugula ku masahi gakyo nekidete kikye, nokugavika ku tsinziga tsyobwali bwekihaanwa kyokusambwa; na masahi gakyo gosi a la tsuka hasi hobwali.

Kyavalevi 4:34

Na musalisi a la vugula ku masahi gekihaanwa kyobwoni ne kidete kikye, nokugavika ku tsinziga tsyobwali bwekihaanwa kyokusambwa, na masahi gakyo gosi a la tsuka hasi hobwali:

Kyavalevi 4:7

Na musalisi a la vika masahi ku tsinziga tsyobwali tsyokusamba kimuli kyomwayu imbiri wa Yahova, bu veye mu lihema lyokuvuganira mu; na masahi gosi gekimoli a la tsuka hasi hobwali bwokusamba ku, vihaanwa, bu veye ha kiliango kyelihema lyokuvuganira mu.

Kyavalevi 5:9

na masahi gekihaanwa kyobwoni a la guuha ku luvega lwobwali; na masahi ga tigala a la tahidzira hasi hobwali: ki veye kihaanwa kyobwoni.

Kyavalevi 6:30

Kihaanwa kyobwoni, ku vihaanwa vyobwoni vyosi kya masahi gakyo ga letwa mu lihema lyokuvuganira mu, kulomba kyokukunika ubwoni mu hatakatifu, si ki nyala kulibwa mba: ki la sambwa nomuliru.

Kyavalevi 8:15

Na ya giita; na Musa ya vugula masahi, na a ga vika ku tsinziga tsyobwali tsimbega tsyosi nekidete kikye na a takasa ubwali, na a tsuka masahi isi wobwali kubutakasa, a duke kubulombera kyokukunika ubwoni.

Kyavalevi 9:9

Na avana va Haruni va mu letera masahi; naye yiina kidete mu masahi, na a ga vika ku tsinziga tsyobwali, na ya tsuka masahi isi wobwali: