Kyavalevi 3:3 - KITABU KITAKATIFU

³ Naye a la haana kihaanwa kyemirembe kihaanwa ki lombwa nomuliru ku Yahova; nakyo ki veye itinya yomunda, na itinya yosi i veye ku amala,

Kyavalevi 3:3 ပူးပေါင်းရင်းမြစ်များ

Zaburi 119:70

Mwoyo gwavo gu komera kuli maguta; Navutswa inze nsangalira mu itorati yoyo.

Kutwula 29:13

Na u la vugula maguta gosi aga kunikanga vyanda, na inderwa i veye igulu ku likudumane, na tsimbigu tsiviri, na maguta ga veye kutsyo, nokuvisamba vyosi ku bwali.

Kutwula 29:22

Kandi u la vugula maguta geligondi likole, no musembe gwalyo, na maguta ga kunika vyanda, na inderwa i veye ku likudumani, na tsimbigu tsiviri, na maguta aga veye kutsyo, na kinama kyomukono mulungi (kigira li veye ligondi likole lyokutakasa),

Tsing'ano 23:26

Mwana wange, mpe mwoyo gugwo; Na tsimoni tsitsye tsi sangale mu tsinzira tsyange.

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Ezekieli 36:26

Kandi nda mu ha mwoyo muhya, na nda vika mu mwinye roho muhya; nda twulidza umwoyo gweligina gu veye mu mubiri gwenyu, na nda mu ha mwoyo gwenyama.

Ezekieli 44:15

Navutswa avasalisi Avalevi, avana va Zadoku, ava linda hatakatifu hange lwa avana va Israeli va ndeka kutsia mu livoyavoya, yavo va lisunda ahimbi ku inze ku ntumekirana va la singira imbiri wange kuhaana amaguta na masahi, Mwami Nyasaye a vola:

Kyavalevi 1:12

Naye a la ki donnya vidonye, halala nomutwe gwakyo na itinya yakyo; na musalisi a la vi lohidza ku tsinku tsi veye ku muliru gu veye ku bwali:

Kyavalevi 1:8

na avana va Haruni, avasalisi, va la vika ku vidonye vyenyama, mutwe gwayo, na itinya yayo, vi la lohidzwa ku tsinku tsi veye ku muliru gu veye ku bwali:

Kyavalevi 16:25

Na tsitinya tsyekihaanwa kyobwoni, a la tsi samba ku bwali.

Kyavalevi 3:16

Na musalisi a la vi samba ku bwali: ki veye kyokulia kyekihaanwa ki lombwa nomuliru, ki ve mwayu; itinya yosi i veye ya Yahova.

Kyavalevi 3:2

Naye a la vika mukono gwigwe ku mutwe gwekihaanwa kikye, nokugiitira ha kiliango kyelihema kyokuvuganira mu: na avana va Haruni avasalisi va luuha masahi ku bwali tsimbega tsyosi.

Kyavalevi 3:4

na tsimbigu tsyombi, na itinya yatsyo, i veye himbi nekisindi, na inderwa i veye ku likudumani, halala netsimbigu, yivi vyosi a la vi twulidza.

Kyavalevi 4:10

kuli vi twulidzangwa ku igiriki yekihaanwa kyemirembe: na musalisi a la vi samba ku bwali bwekihaanwa kyokusamba.

Kyavalevi 7:30

makono gege mwene ga la leta vihaanwa vya Yahova vi haanirwa ku muliru; a la leta itinya halala nendasi, indasi i hungudzwe kuva kihaanwa kyokuhungudzwa imbiri wa Yahova.

Kyavalevi 7:5

na musalisi a la vi samba ku bwali kuva kihaanwa kya lombwa nomuliru ku Yahova: ki veye kihaanwa kyelihyola.

Kyavalevi 9:10

navutswa vivana, na tsimbigu, na inderwa yelikudumani lyekihaanwa kyobwoni, ya vi samba ku bnali kuli Yahova ya laga Musa.

Matayo 13:16

Navutswa tsimoni tsyenyu tsi veye nobugasu, kigira tsi lola; namatu genyu, kigira ga hulira.

Matayo 15:8

Avandu yava va nzidzominya neminwa gyavo; Navutswa mwoyo gwavo gu veye ihale ninze.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

Varumi 6:6

Ku manya yaga, mundu wetu wa kale ya bambwa halala naye, mubiri gwobwoni gwononywe, ku ta va kandi avatugwa vobwoni.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

1 Samweli 2:15

Yee, lwa va kikiri kusamba maguta, mutumekiri womusalisi ya tsia, na a volera mundu wokuhzana kihaanwa, U twulidzire musalisi inyama i kalangwe; kigira si yenya kuhebwa inyama indeke, yenyanga inyama imbisi.