Kyavalevi 3:1 - KITABU KITAKATIFU

¹ Kandi kihaanwa kikye ni ki va ni ki veye kihaanwa kyemirembe; na a va na a leta ku tsing'ombe igiriki kinga iroli, a la gi leta indukanu imbiri wa Yahova.

Kyavalevi 3:1 ပူးပေါင်းရင်းမြစ်များ

1 Kyetsinyinga 21:26

Daudi yombakira Yahova ubwali ha zana na a haana vihaanwa vyokusambwa nevihaanwa vyemirembe, na yanira Yahova; na Yahora ya mu tivulira mmuliru gu twula migulu, nogwika ku bwali bwevihaanwa vyokusambwa.

Kutwula 20:24

U la nombera ubwali bwamarova, na u liitira tsisadaka tsyvokusambwa kubwo, na tsisadaka tsyemirembe tsitsyo, magondi, na tsing'ombe tsitsyo: hosi ha mbika lidzulitswa lyelieta lyange, hene yaho nda duka ku ive na nda ku gasidza.

Kutwula 24:5

Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe.

Kutwula 29:28

navyo vi la va vya Haruni na avana veve, kidieli kyavo kyemihiga nemihiga ki twulanga ku avana va Israeli; kigira ki veye kihaanwa kvokudigululwa: na ki la va kihaanwa kyokudigululwa; ki twulanga ku avana va Israeli mu vihaanwa vyavo vyevihaanwa vyemirembe vyavo, kali vihaanwa vyavo vyokudigululwa ku Yahova.

Tsing'ano 7:14

Inze mbeye nevihaanwa vyemirembe; Lero ntungi vyelilagana lyange.

Ezekieli 43:27

Na lwa va mala kudukidza amadiku yago, ku lidiku lya gatano na gavaka nokutsia imbiri, avasalisi va la lomba vihaanwa vyenyu vyokusambwa ku bwali, na vihaanwa vyenyu vyemirembe; na inze nda bugirira mwinye, Mwami Nyasaye a vola.

Ezekieli 45:15

kandi kimeme kyekyayo, kyomu tsimia tsiviri ki twula ku vyayiru vya Israeli vi samangwa bu lahi namadzi; ki ve kihaanwa kyobusie, na kihaanwa kyokusambwa, na vihaanwa vyemirembe, kuva kyokuvakunikira ubwoni, Mwami Yahova a vola.

Kyavalevi 1:10

Na kihaanwa kikye ni ki va ni ki veye kyekyayo, kyamagondi kinga kyetsimbuli, kihaanwa kyokusambwa; a la ki leta kisatsa kidukanu.

Kyavalevi 1:3

Kindu kyekihaanwa kikye ni ki va ni ki veye kihaanwa kyokusambwa kyetsing'ombe, a la leta igiriki indukanu: a la gi leta ha kiliango kyelihema lyokuvuganira mu, a duke kubugirirwa imbiri wa Yahova.

Kyavalevi 17:5

kuduka avana va Israeli va lete vihaanwa vyavo, vya viitira kyova mu mulimi, kali kuduka va vi haane ku Yahova, ha kiliango kyelihema lyokuvuganira mu, ku musalisi, nokuvita vi ve vihaanwa vyemirembe vi haanwa ku Yahova.

Kyavalevi 3:6

Na kihaanwa kikye kyekihaanwa kyemirembe ku Yahova, ni ki va ni ki veye ku kyayo kyamagondi; likole kinga lisuveni, a la li leta li veye lidukanu.

Kyavalevi 9:18

Na yiita igiriki na likole, kihaanwa kyemirembe, kya li kya avandu: na avana va Haruni va mu letera masahi, aga yuha ku bwali tsimbega tsyosi,

Kyavalevi 9:4

na igiriki na ligondi likole kuva kihaanwa kyemirembe, kuhaana imbiri wa Yahova; na kihaanwa kyobusie bwa tsukanywa na maguta: kigira lero Yahova a lolekanga ku mwinye.

Amosi 5:22

Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu.

Malaki 1:14

Navutswa a laamwe uyu u gadanga u veye mu kyayo kikye kisatsa, navutswa a laga, nokuhaana ku Yahova kindu kilema; kigira mbeye Mwami munene, Yahova wa mahe a vola, na lieta lyange li tihidzangwa mu tsihiri.

Malaki 1:8

Na lwa mu haananga kiboku kuva kihaanwa, si bu veye budamano? Kandi lwa mu haananga vilema nevilwaye, si bu veye budamano? Haana ku yivi ku Govuna wenyu kalunu; vi la yanzeka kuye? Kinga a la bugirira ive? Yahova wa mahe a vola.

Livalidza 15:8

Na lwa u lomba igiriki kuva kihaanwa kyokusambwa, kinga kuva kihaanwa kyokwiitwa kudukidza lilagana, kinga kuva vihaanwa vyemirembe ku Yahova;

Livalidza 6:14

a la haana kihaanwa kikye ku Yahova, kimeme kyeligondi likole kyomuhiga mulala kidukanu kuva kihaanwa kyokusambwa, na kimeme kyeligondi kisuveni kyomuhiga mulala, kidukanu kuva kihaanwa kyobwoni, na ligondi likole lidukanu kuva kihaanwa kyemirembe,

Livalidza 7:17

nokuvakihaanwa kyevihaanwa vyemirembe, tsigiriki tsiviri, na magondi makole gatano, netsikole tsitano, na avana vamagondi vakole vatano vomuhiga mulala: yivi vi veye kihaanwa kya Nahashoni mwana wa Aminadabu.

Livalidza 7:59

nokuvakihaanwa kyevihaanwa vyemirembe, tsigiriki tsiviri, na magondi makole gatano, netsikole tsitano, na avana vamagondi vakole vatano vomuhiga mulala: yivi vi veye kihaanwa kya Gamalieli mwana wa Pedazuru.

Kwidzulitsa 12:27

na u haane vihaanwa vivyo vyokusambwa, invarna namasahi, ku bwali bwa Yahova Nyasaye wowo; namasani gevihaanwa vivyo u ga tsuke ku bwali bwa Yahova Nyasaye wowo; na ive u lie inyama yene.

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vahebraina 10:22

kwisunde himbi nomwoyo gweligali nomu lisuuvira lyobudukiru, ku veye nemyoyo gyetu gyuheywi kutwulidza mwoyo mudamano; nomubiri gwetu gwogidzwa namadzi malahi,

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

Vakalagi 20:26

Hene yaho avana va Israeli vosi, navandu vosi, vanegira, na va tsia Beth-eli, nokulira, na vikala ho imbiri wa Yahova, na va honga lilia lidiku yilyo kuduka mgolova; na va haana vihaanwa vyokusambwa, nevihaanwa vyemirembe imbiri wa Yahova.

Vakalagi 21:4

Ma ga duka mugamba, avandu yavo va vuka mabwebwe, nokwombaka ubwali ha zana, na va haana vihaanwa vyokusambwa nevihaanwa vyemirembe.