Kyavalevi 26:9 - KITABU KITAKATIFU

⁹ Na nda yekidza ku mwinye tsimoni tsyange, nokumuha lwivulu lunyingi, nokumumeda, nokusingeridza lilagana lyange na mwinye.

Kyavalevi 26:9 ပူးပေါင်းရင်းမြစ်များ

Litanga 1:28

Na Nyasaye ya va gasidza: na Nyasaye ya va volera, Mwivulane, mu medeke, na mwizule lirova, noku lyameha; kandi mwamehe ku tsisudzi, tsyomu inyanza, noku manyonyi gombwerefu, noku vyosi vyelivamwoyo vi gendanga ku lirova.

Litanga 17:20

Na ku Ishmaeli nku huliye: henza, mmu gasidzi, na nda mu kola kuva nolwaalo lunyingi, kandi nda mu meda ligali; a livula avami likumi na vaviri, na nda mu kola kuva ihiri inene.

Litanga 22:17

mu ligasidza nda ku gasidza, nomu limeda nda meda kisukululwi kikyo vi ve kuli tsing'ereng'ani tsyomigulu, kandi kuli umuyeke gwoluginga lwenyanza; kandi kisukululwi ki lameha ku kiribwa kyavasigu vakyo;

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 28:14

kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 28:3

Kandi Nyasaye Wa Nyala Vyosi a ku gasidze, a ku kole kuva nolwivulu iunyingi, nokukumeda ligali, u duke kuva kiduma kyetsihiri;

Litanga 48:4

na a mbolera, Henza, nda ku ha lwivulu, na nda ku meda, na nda ku kola kuva kiduma kya avandu, kandi nda haana kivala yiki ku visukululwi vivyo inyima wowo kuva miyandu gyemihiga nemihiga.

Litanga 6:18

Navutswa nda singeridza lilagana lyange halala nive; nive u lingira mu liatu, ive, na avana vovo, na mukali wowo, na vakali va vana vovo halala nive.

1 Avami 3:8

Kandi mutumekiri wowo a veye hagati ha avandu vovo va wa tovola, navo va veye avandu vanene, ava ta nyala kuvalidzwa, kinga ava ta nyala kuvolerwa bunyingi bwavo.

2 Avami 13:23

Navutswa Yahova ya va vererera, na a yeka kuvo, kigira lilagana lilye lya ya kola na Abra hamu, na Isaka, na Yakobo, na ya vula kuvadividza, kandi si ya va syuva kutwula imbiri wewe inyinga yeyo.

Nehemia 2:20

Ma nda tivula, nokuvavolera, Uyu Nya saye womigulu, a la ku gasidza kigira yaga kwinye avatumekiri veve ku la vuka nokwombaka: navutswa mwinye si mu veye nekidieli, kinga kindu, kinga lidzulitswa mu Yerusalemi.

Nehemia 9:23

Avana vavo wa va meda livalidzwa lyavo kuli tsing'ering'ana tsyomigulu, na wa va leta nokuvavika mu kivala yikyo, kya wa volera avaguga wavo amakuva gakyo, va lingira nokukyameha.

Zaburi 107:38

A va gasidza kandi kuduka va medeka ligali; Kandi si a leka mitugu gyavo ku gehidzwa.

Zaburi 89:3

Nombi lilagana nomutovole wange, Nzisuhiye Daudi mutumekiri wange:

Kutwula 1:7

Na avana va Israeli va li nolwivulu ligali, ni va medeka munonono, nokuduka kuva vanyingi ligali, nokunyola tsingulu tsinyingi ligali; navo vizula kivala.

Kutwula 2:25

Na Nyasaye ya lola avana va Israeli, na Nyasaye ya va manya.

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 23:4

Na nda singeridza kuvo avayi, avokuvaya; na si va la tia kandi, kinga kutimuka enkolo, kandi si ha la va nomulala u gota, Yahova a vola.

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Ezekieli 16:62

Na nda dinyeridza lilagana lyange nive; na u la manya inze mbeye Yahova,

Ezekieli 36:9

Kigira, henza, inze mbeye ku luvega lwenyu, na nda giru nkana kuhenza ku mwinye, na mu la limwa nokutagwa;

Kyavalevi 26:15

ni mu sula malago, na mwoyo gwenyu gu lega miima gyange, kuduka ni mu vula kukola amalago gange gosi, navutswa mwononva lilagana lyange;

Luka 1:72

Nokuvera vaguga vetu tsimbabasi, Nokwidzulitsa lilago lilye litakatifu;

Kwidzulitsa 28:11

Na Yahova a la ku kola u ve nobunyingi bwobugasu, mu lwivulu lwenda yoyo, nolwalo lwetsinyama tsitsyo, noku lyama lyekivala kikyo, mu kivala kya Yahova yisuhira vaguga vovo a la ku ha.

Kwidzulitsa 28:4

U la gasidzwa ku lwivulu lwe inda yoyo, noku lwivulu lwekivala kikyo, noku lwivulu lwemitugu gyi gyo, nelimedeka lyetsing'ombe tsitsyo, navana vamagondi gogo.

Kwidzulitsa 7:13

na a la ku yanza, nokukugasidza, nokukumeda; kandi a la gasidza lwivulu lwenda yoyo, nelyama lyemilimi gyigyo, ubuswage bubwo, newaini yoyo, namaguta gogo, nelimedeka lyetsing'ombe tsitsyo, navana vamagondi gogo, mu kivala kya yesuhira avaguga vovo a la hu ha.

Vahebraina 8:9

Si ga la va kuli lilagana lya nda kola halala navadada vavo Mu lidiku lya nda gumira amakono gavo kuvemirira va twule mu kivala kya Egepete; Kigira si va menya mu lilagana lyange, Na inze nda va lola si va veye kindu, Mwami a vola.