Kyavalevi 26:6 - KITABU KITAKATIFU

⁶ Na nda mu ha mirembe mu kivala, na mu la gona, kandi si ha la va no nyala kumutihidza: na nda heridza tsinyama tsindamano mu kivala kyenyu, kandi kivavi si ki la vita mu kivala kyenyu.

Kyavalevi 26:6 ပူးပေါင်းရင်းမြစ်များ

2 Avami 2:24

Yekevuka na a lola, na a va laama ku lieta lya Yahova. Na tsiduba tsiviri tsinkali tsya twula mu mulitu, na tsi tandula ku yavo makumi gane na vaviri avayai.

1 Kyetsinyinga 22:9

Henza, mwana muyai a livulwa ku ive, u li va mundu wokwelemeridza; na inze nda mu sosidza ku vasigu veve vosi tsimbega tsyosi; kigira lyeta lilye li la va Solomoni, na nda ha Israeli mirembe nobusosi mu madiku gege.

2 Kyetsinyinga 20:30

Ma bwami bwa Jeho shafatu bwehodzeridza; kigira Nya saye wewe ya mu ha busosi ku tsi mbega tsyosi.

Ayubu 11:19

Kandi u la gona hasi, na si ha la va nowokukutihidza; Yee, vanyingi va lenya mmoni mumwo.

Ayubu 5:23

Kigira u la va nelihambana namagina gekivala; Netsinyama tsyombulimu tsi la va nemirembe ku ive.

Zaburi 144:14

Lwa tsing'ombe tsyetu tsi veye nemisigo milahi; Lwa ha vula kuva nahatiguka, kinga kutwulidza, Kandi ha ta veye lihanzuka ku tsinzira tsyetu:

Zaburi 147:14

A kola tsinzako kuva mirembe; A kwigutidzanga nengano indahi ligali.

Zaburi 29:11

Yahova a la ha avandu veve tsingulu; Yahova a la gasidza avandu veve nemirembe.

Zaburi 3:5

Nda gona hasi ni ng'ona tsindolo; Nda vuka; kigira Yahova a ndenda.

Zaburi 4:8

Nda gona nemirembe, na nda nyola tsindolo; Kigira ive, Yahova, weng'ine u mbedzanga kumenya nekilema mwoyo.

Zaburi 85:8

Nda hulira aga Nyasaye Yahova a la vola Kigira a la volera avandu veve mirembe, kandi avatakatifu veve: Nawtswa va wle kwirana ku vyawtswa.

Kutwula 23:29

Si nda va kunga nokuvatwulidza imbiri wowo mu muhiga mulala, gase kivala ki la tigala vutswa, na tsinyama tsyomigendinyama tsi la medekakukunyangidza.

Tsing'ano 3:24

Lwa u gona, si U la tia mba: Yee, u la gona, na tsindolo tsi la va tsinolu.

Tsing'ano 6:22

Lwa u genda ga la kwimirira; Na lwa u gona tsindolo ga la ku linda; Na lwa u vuka ga la volerana na ive.

Isaya 35:8

Na ha zana ha la va lihasi, nenzira, na i la langwa Inzira yobutakatifu; ava ta li avanifu si va li genda kuyo; navutswa i la va ya yavo: avandu volugendo, kali ni va veye avasiru, si va li hyolera kuyo.

Isaya 35:9

King'ang'a ki la vula kuva ho, na tsinyama tsindulu tsi la vula kwanegira kuyo, tsi la vula kuloleka yo; navutswa avahonnywa va la genda yo:

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Jeremia 30:10

Kunangwa kigira yaga u ta tia mba, ive mutumekiri wange Yakobo, Yahova a vola; kinga ive Israeli, u ta timuka enkoio: kigira, henza, nda ku honnya kutwula ihale, na kisukululwi kikyo ki twule mu kivala kyelyadikidzwa lyavo; Yakobo a lirana, na a la sosa, nokwelemeridza, kandi si ha la va nowokumutihidza.

Jeremia 31:26

Nanoho nda wka, nokuhenza; na tsindolo tsyange tsya li tsindahi ku inze.

Ezekieli 14:15

Ni ndeta tsi nyama tsindamano tsi vite mu kivala yikyo, nokukyononnya, kuduka kuva hatswa, kuduka si ha veye nomundu u vita mu kivala yikyo kigira tsinyama zana;

Ezekieli 14:17

Kinga ni ndeta kivavi ku kivala yikyo, nokuvola, Kivavi, vita hagati he kivala yikyo; kuduka kutwulidza ku kivala yikyo avandu nemitugu;

Ezekieli 14:21

Kigira Mwami Nyasaye a vola ndi: Ga la va kuvita kuli ndi lwa ndeta gokukalaga gange gane yaga bululu ku Yerusalemi, kivavi, nenzala, netsinyama tsindamano, nobulwaye, kuduka kutwulidza ku kivala avandu nemitugu

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:27

Na musala gwomulimi gu lama makuyu gagwo, nekivala ki lama limedeka lyakyo, na va la menya nemirembe mu kivala kyavo; na va la manya inze mbeye Yahova, lwa mbunannya miluguyu gyenira yavo, na nda va honnya va twule mmukono gwa yavo ava va tuga.

Ezekieli 5:17

nda leta ku ive inzala netsinyama tsindulu, natsyo tsi liita avana vovo; nobulwaye namasahi vi la vita hagati hoho; nda leta kivavi ku ive: Inze, Yahova, mmali kuvola yaga.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Hosea 2:20

Na nda ku kwa mbusuuvirifu; na u la manya Yahova.

Kyavalevi 25:18

Kunangwa mu la kola malago gange, na mu la gumira miima gyange nokugyikola; na mu la menya nobulahi mu kivala.

Kyavalevi 25:19

Na kivala ki lama makuyu gakyo, na mu la lia nokwiguta, nokumenya mukyo nemirembe.

Kyavalevi 26:22

Na nda tuma tsinyama tsyombulimu hagati henyu, na tsi la mu nyaga avana venyu, nokwononya mitugu gyenyu, na tsi la mu gehidza livalidza lyenyu li gehe; na tsinzira tsyenyu tsi la va tsinzere.

Kyavalevi 26:25

Na nda leta kivavi ku mwinye, ki li vanza kisalya kyelilagana; na mu la vuganywa halala mu madala genyu: na nda leta a lukudzo ludamano hagati henyu; na mwinye mu la vikwa mu mukono gwa avasigu venyu.

Kyavalevi 26:7

Na mu la kunga avasigu venyu, navo va la gwa imbiri wenyu ku kivavi.

Mika 4:4

Navutswa va likala sa mulala isi womuzabibu gwigwe kinga isi womukuyu gwigwe; si ha veye nomu ndu kali mulala u va tihidza mba: kigira munwa gwa Yahova wa mahe gu voye yaga.

Zefania 3:13

Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza.

Haggai 2:9

Ubukumi bwe kiheri kyenyumba yiyi, bu la va ubunene kuvita bwokutanga, Yahova wa mahe a vola; na nda va ha mirembe ha zana, Yahova wa mahe a vola.

Zekaria 9:10

Na nda twulidza ligari lyobuiwani ku Efiraim, na iparasi ku Yerusalemi; na buta bwobulwani bu la twulidzwa: na a lilwadza mirembe ku vetsihiri: na lyameha lilye li la va kutwula ku inyanza yiyi ku duka ku inyanza yiyi, na kutwula ku Mugera ku duka ku kiheri kyelirova.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Vikolwa 12:6

Hene yaho Herodi lwa yenya kumu twulidza, ubudiku zana yibwo, Petro ya li na a gona hagati havasikari vaviri na a boheywi neminyororo gyiviri: kandi mu kiliango kya li navalindi va linda inyumba yavahambe.

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.