Kyavalevi 26:5 - KITABU KITAKATIFU

⁵ Kandi lihuula lyobuswage lyenyu li la hongerwa kuduka ku tsinyinga tsyokugesa mazabibu, na ligesa lya mazabibu li la hongerwa kuduka ku tsinyinga tsyelitaga; na mu la lia vyokulia vyenyu nokwiguuta, nokumenya mu kivala kyenyu nemirembe.

Kyavalevi 26:5 ပူးပေါင်းရင်းမြစ်များ

Zaburi 144:13

Na lwa videra vyetu vizula noku hindahala netsing'ano tsyosi, Na magondi getu givula tsielfu na tsielfu makumi mu milimi Ryetu;

Zaburi 90:1

Mwami, u veye ubumenyo bwetu Mu makula gosi.

Kutwula 16:8

Na Musa ya vola, Ga la va ndiyo, lwa Yahova a li mu ha inyama mgolova kulia, na mugamba ha la va nobukima kuduka mwigute; kigira uyu Yahova a huliranga limonya lyenyu lya mu mu monyanga: na kwinye ku veye ibwaha? Limonya lyenyu si li veye ku kwinye mba, navutswa li veye ku Yahova.

Tsing'ano 1:33

Navutswa ku vosi uyu u huliranga inze a la menya bulahi, Naye a la va nemirembe bugira ubutii bwobudamano.

Tsing'ano 18:10

Lieta lya Yahova li veye impinga yetsingulu; Mulungi yirukira muyo ma a hona.

Isaya 1:19

Ni i va mu bugirira nokuhulira, mu la lia ubulahi bwekivala:

Isaya 30:23

Naye a la haanira bugutsa bubwo imbula, bwa u li taga mu mulimi gugwo, na ubukima bwelimeda lyelirova, bu la va bunolu nokwama bunyingi: mu lidiku yilyo tsing'ombe tsitsyo tsi laya mu kyayo kyobwiyangu.

Jeremia 23:6

Mmadiku gege Yuda a la hona, na Israeli a menya mu mirembe; na lieta lilye lya a li gulikwa ni yili: YAHOVA BULUNGI BWETU.

Hosea 2:18

Na ku lidiku yilyo nda va kolera lilagana netsinyama tsyomwigendanyama, na manyonyi go mbwerefu, nevindu vi molanga hasi: na nda vunannya ubuta nekivavi nobulwani vi twule mu kivala yikyo, nda va kola va gone hasi nemirembe.

Hosea 2:20

Na nda ku kwa mbusuuvirifu; na u la manya Yahova.

Joeli 2:19

Na Yahova ya tivula na a volera avandu veve, Henza, nda mu letera ubuswage, na iwaini impya, na maguta, na mu liguta vindu yivi; na si nda mu kola kandi kunyegwa hagati hetsihiri;

Joeli 2:22

Mwinye tsinyama tsyomwigendanyama, mu ta tia mba; kigira ubwayiru bwomwigendanyama bu sebuka, kigira musala gwamanga, na mukuyu na muzabibu gyi letanga tsingulu tsyagyo.

Joeli 2:26

Na mu la lia vinyingi, na mu liguta, na mu lidzominya lieta lya Yahova Nyasaye wenyu, uyu wa mu kolera makuva gokugenya; na avandu vange va la vula kuva netsisoni mihiga nemihiga.

Amosi 9:13

Henza, madiku gadzanga, Yahova a vola, mmadiku yago, uyu u limanga a la duka ku uyu u gesanga, na uyu u minanga mazabibu, a la duka ku uyu u simikanga tsinzoli; nevigulu vi la tonyatonya iwaini inulu, na tugulu twosi tu la salaluka.

Matayo 23:37

O Yerusalemi, Yerusalemi, lidala liita avaprofeti, nokulasa magina avatumwa kulyo Kuduka tsinyinga hali kanga ni nyenya kuvungidza avana vovo kuli inyavuli i vungidza viminyo vyayo mu mwetsimbaha tsyayo, navutswa mwambakana

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Kwidzulitsa 11:15

Na nda ku ha bunyasi mmilimi gyigyo okwaya mitugu gyigyo, na u la lia nokwiguta.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.