Kyavalevi 26:41 - KITABU KITAKATIFU

⁴¹ inze kandi nda genda mu lihing'ana kuvo, na nda va leta mu kivala kyavasigu vavo: hene yaho myoyo gyavo gya vula kukebwa, ni gyi va ni gyi gehidzwa, navo va bugirira amageli gobwoni bwavo;

Kyavalevi 26:41 ပူးပေါင်းရင်းမြစ်များ

1 Avami 21:29

U lolanga Ahabu kuli yegehidzanga imbiri wa nge? Kigira yegehidzanga ndi imbiri wange, si nda leta ubudamano mu madiku gege mba; navutswa mmadiku gomwana wewe nda leta ubudamano yibu ku inyumba yeye.

2 Kyetsinyinga 12:12

Na lwa yegehidza mwene, ubutima bwa Yahova bwa twula kuye, a vule kumudividza ligali: nomu Yuda vindu vilahi vya loleka mu kandi.

2 Kyetsinyinga 32:26

Navutswa Hezekia yegehidza ku luyai lyomwoyo gwigwe, uyu nava menyi Yerusalemi, kuduka ubutima bwa Yahova bwa vula kuduka kuvo mmadiku ga Hezekia.

2 Kyetsinyinga 33:19

Ka ndi lisaala lilye, na kuli ya hulirwa, nobwoni bwibwe nelihyola lilye, na hadiguluku ha yombaka, nelisingeridza lilye misala gyemisambwa, neki fwananyi kyokuvadzwa, lwa ya li na a kikiri kwegehidza, henza, vyosi vya ng'odwa mu makuva ga Hozai.

2 Kyetsinyinga 33:23

Naye si yegehidza mwene imbiri wa Yahova, kuli Manase dada wewe yegehidza; navutswa uyu Amoni ya kiridza ubwoni.

Ezara 9:13

Nenyima wa yaga aga ku gwira kigira vikolwa vyetu vidamano, na kigira mahyolo getu manene, kigira ive Nyasaye wetu wa ku ha mageli navutswa si ga li kuli ubudamano bwetu bu dukanga mba, na wa ku lekera ava tigala kuli yava,

Ezara 9:15

O Yahova, Nyasaye wa Israeli, ive u veye mulungi; kigira kwinye ku veye litigala li honi, kuli ga veye lero: henza, ku veye imbiri wowo mu mahyolo getu; kigira si ha veye nu u nyala kusingira imbiri wowo kigira inkuva yiyi.

Nehemia 9:33

Navutswa ive u veye wobulungi mu yaga gosi aga gwira kwi nye; kigira wa kola ageligali, navu tswa kwinye kwa kola agobudamano;

Zaburi 39:9

Nda kiring'ana, si nda kunula munwa gwange; Kigira ive wa ga kola.

Kutwula 10:3

Na Musa na Haruni vingira ku Farao, nava mu volera, Yahova Nyasaye wa Vahebraina a vola, U la sula kwegehidza imbiri wange kuduka inyinga ki? U lakule avandu vange va tsie kuntumekira.

Jeremia 4:4

Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

Jeremia 6:10

Inze mbolerane na bwaha nokumulolekidza, va hulire? Henza, gutu gwavo si gu veye gwa kevwa, na si va nyala kuhulira: henza, likuva lya Yahova li gwiye linyega kuvo; si va veye nobuyanzi kulyo.

Ezekieli 14:23

Na va la leminya myoyo gyenyu, lwa mu lola tsinzira tsyavo nelikola lyavo: na mu la manya si nda kola bugira kivune yago gosi aga nda kola mulyo, Mwami Nyasaye a vola.

Ezekieli 20:43

Na mu lidzulitsa tsinzira tsyenyu ha zana, nevikolwa vyenyu vyosi vya mweyononnyera mu; mu levihirirwa mwinye avene mu tsimoni tsyenyu avene navene, kigira ubudamano bwenyu bwosi bwa mwa kola.

Ezekieli 44:7

kigira mwinye mwa leta avageni, nokuvavika mugati, avasindi vemyoyo, navasindi vemibiri, va ve hango hange hatakatifu, kuduka kwononnya ho kali inyumba yange, lwa mu haana nga ubukima bwange, na maguta na masahi, navo vononnya lilagana lyange, kuduka kumeda kivihiri kyenyu kyosi.

Ezekieli 44:9

Mwami Nyasaye a vola ndi, Ha ta va nomugeni, u veye musindi womwoyo, nowomubiri, u lingira hatakatifu hange kali mulala, ku avageni vosi ava veye hagati ha avana va Israeli.

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Kyavalevi 26:24

inze kandi nda genda nelihing'ana ku mwinye; na nda mu duya, yee inze, nda mu duya hali katano na kaviri kigira ubwoni bwenyu.

Kyavalevi 26:28

inze kandi nda genda nelihing'ana ku mwinye mu butima bwange; na kandi nda mu kupidza kivi hali katano na kaviri kigira ubwoni bwenyu.

Livalidza 5:7

hene yaho a leyama ubwoni bwibwe bwa ya kola: na a liranya kigira kyokukalagirwa kikye nobudukanu bwakyo, na a la meda ku kidieli kilala kyevitano kyakyo, nokuha uyu wa ya hyola kuye kuva nekyokukalagirwa.

Matayo 23:12

Uyu wenenehidza a la gehidzwa; naye wegehidza a la nenehidzwa.

Luka 14:11

Kigira ku vosi weginga a la gehidzwa; nowegehidza mwene a la nenehidzwa.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Vagalatia 5:6

Kigira mu Kristo Yesu likevwa si li konya kindu, kinga livula kukevwa; navutswa lisuuvira li kolanga miyinzi kigira ubuyanzi.

Kwidzulitsa 10:16

Kunangwa mu keve ligodo lyomwoyo gwenyu, na mu vule kuva nemyoyo midinyu kandi.

Kwidzulitsa 30:6

Na Yahova Nyasaye wowo a la keva mwoyo gugwo, nomwoyo gwa avana vovo, u duke kuyanza Yahova Nyasaye wowo nomwoyo gugwo gwosi, na roho gugwo gwosi, u duke kuva mwoyo.

Kwidzulitsa 31:21

Kandi ga la va, ubudamano bunyingi na kivi lwa vi mala kuduka kuvo, lwimbu yilu lu la lolekidza imbiri wavo kuli umulolekidzi, kigira lu la vula kwivirirwa mu minwa gyavana vavo: kigira kali kalunu mmanya tsiganagani tsyavo tsya va ganagananga lero, ni nkikiri kuvavika mkivala kya ndesuhira.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;