Kyavalevi 26:1 - KITABU KITAKATIFU

¹ Mu telombera vifwananyi ku vyosi, mu tesingeridzira vifwananyi kya vadzwa, kinga kinara kandi mu ta vika ligina lya vadzwa mu kivala kyenyu, kulisigamira: kigira inze mbeye Yahova Nyasaye wenyu.

Kyavalevi 26:1 ပူးပေါင်းရင်းမြစ်များ

2 Avami 17:10

na vesingeridzira minara nemisala gyemisambwa ku kigulu sa kilala kitambi, na isi wemisala sa mulala gwamatu mavisi;

2 Avami 17:16

Na va leka malago gosi ga Yahova Nyasaye wavo, ni velombera vifwananyi vyokulonga, vi veye vimoli viviri, na va lomba misala gyemisambwa, nokusigamira lihe lyosi lyomigulu, nokutumekira Baal.

2 Avami 17:8

nokugenda mu miima gyetsihiri tsindi, tsya Yahova ya kunga imbiri wavana va Israeli, negyavami va Israeli, gya va kola.

Zaburi 78:58

Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

Zaburi 97:7

Ava tumekira vifwananyi vya vadzwa va lole teisoni Avegingiranga ku vifwananyi: Mwinye avanyasaye vosi mu sigamire Uyu.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 20:23

Mu ta lomba avanyasaye avandi halala na inze mba; avanyasaye vefetha, kinga avanyasaye vethahabu, mu telombera mba.

Kutwula 23:24

U tinama kusigamira vanyasaye vavo, kinga kuvatumekira, kinga kukola kuli likola lyavo; navutswa u la va dividza ligali, na minara gyavo u la vunanya.

Kutwula 34:17

U telombera avanyasaye avobunyinda.

Isaya 2:20

Mu lidiku yilyo avandu va la sikisira tsimbuku na manyinya, vifwananyi vyavo vyefetha na vyethahabu, vya velombera avene kusigamira;

Kyavalevi 19:4

Mu ta girukana kulonda misambwa, kandi mu telombera avanyasaye ava vadzwa: inze mbeye Yahova Nyasaye wenyu.

Kyavalevi 25:55

Kigira avana va Israeli va veye avatumekiri vange; ava nda twulidza mu kivala kya Egepeti: inze mbeye Yahova Nyasaye wenyu.

Kyavalevi 7:33

Uyu ku avana va Haruni u haana masahi gevihaanwa vyemirembe, na itinya, a la nyola kinama kyoluvega lwomukono mulungi kuva kidieli kikye.

Livalidza 33:52

hene yaho mu la kunga avomkivala vosi va twule imbiri wenyu, na mu lononya magina gavo gosi aga vadzwa, nokwononya vifwananyi vyavo vyosi, nokushonolannya hosi hadiguluku havo:

Vikolwa 17:29

Kunangwa kwinye ni ku va visukululwi vya Nyasaye, si bu li bulahi ku ganagana Nyasaye a fwana ithahabu, kinga ifetha, kinga ligina, vya kongwa nobusidza nobugeeri bwavandu.

Kwidzulitsa 27:15

A laamwe umundu u lombanga kifwananyi ki vadzwa kinga kutuulwa, ki veye livihiriridza ku Yahova, gyi veye miyinzi gyamakono gomusidza, na a ki singeridza makiriri. Navandu vosi va tivule va vole, Amini.

Kwidzulitsa 5:6

Inze mbeye Yahova Nvasaye wowo, wa ku twulidza mu kivala kya Egepeti, mu inyumba yobutugwa.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

Vakalagi 18:30

Avana va Dan va singeridza kifwananyi kyokuvadzwa: na Jonathan, mwana wa Gerishom, mwana wa Musa, uyu navana veve va li avasalisi ku ihiri ya Dan kuduka ku lidiku lyelilanywa lyekivala.