Kyavalevi 22:4 - KITABU KITAKATIFU

⁴ Ku vosi mundu wekisukululwi kya Haruni u veye nobugere, kinga u veye nekisununu; uyu a ta lia ku vindu vitakatifu, kuduka lwa a veye mulahi. Kandi ku vosi u dira ku kindu kidamano kyomukudzu, kinga mundu welotera;

Kyavalevi 22:4 ပူးပေါင်းရင်းမြစ်များ

Kyavalevi 11:39

Na inyama ya mu nyala kulia, ni i kudza; uyu u dira mubiri gwayo a la va mudamano kuduka mgolova.

Kyavalevi 15:17

Na tsingubo, na masero gosi, tsyobugoyoko bu veye ku, tsi logidzwa na madzi, na tsi la va tsindamano kuduka mgolova.

Kyavalevi 2:10

Nabwo bu tigala ku kihaanwa kyobusie bu la va bwa Haruni na bwa avana veve ki veye kitakatifu ligali ku vindu vi haanangwa ku Yahova nomuliru.

Kyavalevi 2:3

nabwo bu tigala ku busie bu la va bwa Haruni nobwa avana veve: ki veye kindu kitakatifu ligali kyevihaanwa vyokuhaanwa nomuliru ku Yahova.

Kyavalevi 21:1

Na Yahova ya volera Musa, U volere avasalisi avana va Haruni, nokuvavolera, Ku mwinye vosi mundu a tekolera mudamano ku vakudzu mu avandu veve;

Kyavalevi 21:22

A la lagira ubukima bwa Nyasaye wewe, mu yivyo vi veye vitakatifu ligali, nomu vi veye vitakatifu:

Haggai 2:13

Hene yaho Haggai ya vola, Umundu na a va na a gwa mudamano kigira lidira ku mukudzu, na a dira ku vyosi mu vindu vivyo, kindu zana ki la va kidamano, naho? Avasalisi va tivula na va vola, Yee, ki la va kidamano.

Livalidza 18:19

Vihaanwa vyosi vyokudigululwa vyevitakatifu, vya avana va Israeli va haananga ku Yahova, mmali kuha ive, na avana vovo avayai na avakana halala na ive, li veye lilaga lyemihiga nemihiga: li veye lilagana lyomunyu lyemihiga nemihiga imbiri wa Yahova, ku ive noku kisukululwi kikyo halala na ive.

Livalidza 18:9

Yivi vi la va vivyo ku vindu vitakatifu ligali, vi vule kuvikwa mu muliru: kihaanwa kyavo sa kilala, kali kihaanwa kyobusie sa kilala na kihaanwa kyavo kyobwori sa kilaia, na kihaanwa kyelihyolo kyavo sa kilala, kya va la ndetera, ki la va kitakatifu ku ive noku avana vovo.

Livalidza 19:20

Navutswa mundu a la va mudamano, na a vula kwetakasa, mundu uyu a lahulwa ku livugana, kigira u leti ubudamano mu hatakatifu ha Yahova: amadzi ge lyahulanya si ga lyufwa kuye; uyu a veye mudamano.